2025-yil 26-avgust kuni Navoiy viloyati statistika boshqarmasida Milliy statistika qo‘mitasi tomonidan hududiy statistika organlari xodimlari uchun “Biznes uchun statistika” yo‘nalishida sayyor o‘quv-seminar tashkil etildi.
Tadbirda boshqarma rahbariyati, bo‘lim boshliqlari hamda masofaviy videoaloqa orqali tuman (shahar) statistika bo‘limlari xodimlari ishtirok etdi.
Seminar davomida O‘zbekiston Respublikasi Prezidentining 2025-yil 24-fevraldagi PQ-75-sonli qarorida belgilangan vazifalardan kelib chiqib, tadbirkorlik subyektlariga “Biznes uchun statistika” konsalting xizmatini joriy etish masalalari batafsil yoritildi.
Ishtirokchilarga Milliy statistika qo‘mitasi tomonidan ishlab chiqilgan konsepsiya hamda mazkur xizmatni ko‘rsatish tartibi tushuntirildi.
Amaliy qismda statistik ma’lumotlardan samarali foydalanish, tadbirkorlik subyektlariga axborot-tahliliy ko‘mak ko‘rsatish jarayonlarini tashkil etish mexanizmlari aniq misollar asosida ko‘rsatildi.
Yakunida savol-javob o‘tkazilib, hududiy bo‘limlar vakillarining taklif va mulohazalari tinglandi.