NAVOIY VILOYATI

Vakansiya

Lavozim: Aholi va qishloq xo`jaligi jarayonlarini ro`yxatga olishni tashkil etish va o`tkazish uchun mutaxassis (vaqtincha 6 oyga).

Mutaxassis o`ziga yuklatilgan vazifalarni mas`uliyat bilan hamda samarali bajarishi natijasida, tashkilot tomonidan uni doimiy ishga qabul qilish masalasi ko`rib chiqilishi mumkin.

Tashkilot: O`zbekiston Respublikasi Milliy statistika qo`mitasining hududiy statistika boshqarmalari (Qoraqalpog`iston Respublikasi, viloyatlar va Toshkent shahar statistika boshqarmalari).

Asos: O`zbekiston Respublikasi Prezidentining 2025 yil 19 sentyabrdagi “O`zbekiston Respublikasida aholi va qishloq xo`jaligini ro`yxatga olish tadbirini o`tkazish to`g`risida” PF-173-son Farmoni asosida

Vazifalar:

- ro`yxatga olish sohasi bo`yicha me`yoriy-huquqiy hujjatlar, tashkiliy chora-tadbirlar va Respublika komissiyasi bayonlarini belgilangan muddatlarda bajarilishini ta`minlaydi;

- ro`yxatga olish tadbiri yuzasidan aholi o`rtasida targ`ibot-tashviqot ishlarini tashkil etadi (ko`rsatuv va eshittirishlar tashkil etish, seminarlar o`tkazish va boshqalar) va mazkur malasa yuzasidan hududlarda amalga oshirilayotgan ishlarni muvofiqlashtirib boradi;

- tuman va shaharlarda ro`yxatga olishga tayyorgarlik ko`rish va uni o`tkazish jarayonlarida tashkil etiladigan Hududiy komissiyalar va shtablar, shuningdek ro`yxatga olish va hisob uchastkalari faoliyatini muvofiqlashtirib boradi va ularning faoliyatini amaliy jihatdan qo`llab-quvvatlaydi;

- hududlarda ro`yxatga olish jarayonlariga vaqtincha jalb etiladigan “Mahalla yettiligi” xodimlari ro`yxatini shakllantirish, yangilab borish va ularni o`qitish ishlarida ishtirok etadi;

- hududiy kadastr organlari tomonidan mahallalarning xaritalarini yangilash, tuman va shaharlarning tashkiliy rejalarini tuzish ishlarini muvofiqlashtirib boradi;

- hududlarda mas`ullar tomonidan ro`yxatga olish jarayonlarini sifatli o`tkazilishini ta`minlashda ishtirok etadi hamda ro`yxatga olishga oid statistik ko`rsatkichlarni ishonchliligi, haqqoniyligi, to`liqligi va tizimliligini ta`minlaydi.

Talablar va malakalar:

- oliy ma`lumotga ega bo`lish (iqtisodiyot, statistika, demografiya, sotsiologiya, axborot texnologiyalari yo`nalishlari ustuvor hisoblanadi);

- davlat boshqaruvi organlari va mahalliy davlat hokimiyati organlarida ishlash tajribasiga ega bo`lishi;

- ro`yxatga olish jarayonlari bo`yicha milliy me`yoriy hujjatlar va yo`riqnomalar bilan ishlay olishi;

- so`rovnoma va hisobot shakllari bilan ishlash ko`nikmasiga ega bo`lishi;

- jamoa bilan ishlash va aholi bilan muloqot qilish ko`nikmasiga ega bo`lishi;

- kompyuter dasturlari (Word, Yexcel) va asosiy axborot tizimlaridan foydalana olishi;

- o`zbek tilini mukammal bilishi shart va rus tilini kundalik ish jarayonida foydalana olishi kerak.

Qo`shimcha afzalliklar:

- statistika yoki ro`yxatga olish sohasiga oid seminar va o`quvlarda qatnashganligi;

- zamonaviy o`quv vositalari (onlayn kurslar, interaktiv dasturlar)dan foydalanish ko`nikmasi;

- axborot xavfsizligi va shaxsiy ma`lumotlarni himoya qilish qoidalarini bilishi.

Ishlash davri: 6 oy - 2025 yil 1 oktyabrdan – 2026 yil 1 aprelga qadar.

Ish haqi: 6 mln so`mdan yuqori.

Faqat saralangan nomzodlar bilan bog`laniladi.