Boshqarmamiz o‘z faoliyatida inson resurslarini qadrlash, xodimlarning huquq va manfaatlarini himoya qilish, ularning mehnati samaradorligini oshirish hamda doimiy rivojlanishiga sharoit yaratishni ustuvor vazifalardan biri sifatida belgilagan.

Boshqarma tomonidan xodimlar, ayniqsa kasaba uyushmasi a’zolari uchun qulay, xavfsiz va zamonaviy mehnat muhitini ta’minlash borasida tizimli chora-tadbirlar amalga oshirilmoqda. Shuningdek, boshqarma binosida xodimlarning bo‘sh vaqtini mazmunli tashkil etish, intellektual va madaniy salohiyatini oshirish maqsadida zamonaviy kutubxona faoliyat yuritmoqda. Mazkur kutubxonada turli sohalarga oid adabiyotlar jamlangan bo‘lib, kitob fondi muntazam yangilanmoqda.

Kasaba uyushmasi tomonidan xodimlar salomatligini muhofaza qilish, sport bilan shug‘ullanish uchun qulayliklar yaratish bo‘yicha ham samarali ishlar olib borilmoqda.

Xodimlarning ish faoliyatini yanada samarali tashkil etish maqsadida, ish joylari zamonaviy texnika va ilg‘or texnologiyalar bilan jihozlangan. Bu esa vazifalarni sifatli, tez va yuqori darajada bajarish imkonini bermoqda.

Xodimlar uchun zamonaviy va qulay mehnat sharoitlarini yaratish orqali ularning kasbiy rivojlanishi va ish samaradorligini oshirishga alohida e’tibor qaratilmoqda. Bu esa tashkilotning barqaror va samarali faoliyat yuritishini ta’minlaydi.