Joriy yilning 29-avgust kuni Navoiy viloyati statistika boshqarmasida O‘zbekiston Respublikasi mustaqilligining 34 yilligi munosabati bilan bayram tadbiri tashkil etildi.
Tadbirda boshqarma rahbariyati va xodimlar qatnashdi. Unda boshqarma boshlig‘i barchani bayram bilan tabriklab, samimiy tilaklarini bildirdi. Yurtimizda amalga oshirilgan ishlar hamda statistika tizimi oldida turgan ustuvor vazifalarga to‘xtalib o‘tdi.
Shuningdek, Toshkent shahar statistika boshqarmasi boshlig‘i ham xodimlarni bayram bilan qutlab, ularga mustahkam sog‘liq va faoliyatlarida muvaffaqiyatlar tiladi.
Tadbir yakunida Vatanimiz mustaqilligining 34 yilligi munosabati bilan statistika sohasida sharafli va fidokorona mehnat qilgan bir guruh xodimlar Tashakkurnoma bilan taqdirlandi.
Shuningdek, “Har oyda bitta kitob o‘qiymiz” tadbirining yakuniy bosqichida g‘olib bo‘lib 1-, 2- va 3-o‘rinlarni egallagan xodimlarga Statistika boshqarmasining Diplomlari hamda kasaba uyushmasining esdalik sovg‘alari topshirildi.
