Joriy yilning 19- iyul kuni Navoiy viloyati statistika boshqarmasida Axborot xavfsizligi va kiberjinoyatchilikka qarshi kurashish mavzusida targʻibot tadbiri tashkil etilib, ushbu tadbir Navoiy viloyati ichki ishlar boshqarma hamda Raqamli texnologiya boshqarmalari bilan hamkorlikda oʻtkazildi.
Tadbirda IIB boshqarmasi Kiberxavfsizlig markazi xodimi B. Normurodov hamda Raqamli texnologiya boshqarmasi xodimi J.Qayumovlar soʻz yuritdi.
Muloqot davomida soʻnggi vaqtlarda bank plastik kartalaridagi pullarni talon-toroj qilish bilan bogʻliq boʻlgan jinoyatlarni sodir etilishi kundan-kunga koʻpayib borayotganligi hamda kiberjinoyatchilikni oldini olishga qaratilgan chora-tadbirlar yuzasidan atroflicha maʼlumotlar berildi.
Tadbir soʻnggida ishtirokchilarni qiziqtirgan savollariga batafsil javoblar berildi.