2024-yilning 18-iyul kuni Statistika agentligi xodimlari uchun “Manfaatlar toʻqnashuvi toʻgʻrisida”gi qonunining mazmun–mohiyatini yoritish yuzasidan tadbir boʻlib oʻtdi.
Tadbirda agentlikning Korrupsiyaga qarshi ichki nazorat xizmati mutaxassisi B. Melikmurotov bugungi kunda xodimlar oʻrtasida manfaatlar toʻqnashuvi tushunchasi va yaqin qarindoshlar toifasiga kimlar kirishi haqida maʼlumot berdi.
Shuningdek, ushbu qonunning asosiy tamoyillari, vakolatli davlat organi va ehtimoliy manfaatlar toʻqnashuvi toʻgʻrisida deklaratsiyani toʻldirish tartibi hamda xodimning manfaatlar toʻqnashuvi boʻyicha oʻz vaqtida yuqori turuvchi rahbarga va boshqa vakolatli boʻlinmaga xabar berish tartibi toʻgʻrisida ishtirokchilarga tushuntirib oʻtildi.
Tadbirda ishtirokchilar tomonidan berilgan savollarga Korrupsiyaga qarshi ichki nazorat xizmati mutaxassisi tomonidan javob berildi.
