Joriy yilning 28-iyun kuni Oʻzbekiston Respublikasi Prezidenti huzuridagi Statistika agentligida Oʻzbekiston Respublikasi Prezidentining 2022-yil 28-yanvardagi “2022-2026-yillarga moʻljallangan yangi Oʻzbekistonning taraqqiyot strategiyasi toʻgʻrisida” PF-60-son Farmoni, Vazirlar Mahkamasining 2022-yil 14-dekabrdagi “2020-2025-yillarda kitobxonlik madaniyatini rivojlantirish va qoʻllab-quvvatlash milliy dasturini tasdiqlash toʻgʻrisida”gi 781-son qarori, Statistika agentligi tizimida kitobxonlikni rivojlantirish bilan zamonaviy bilimlarni oʻzlashtirish, ish unumdorligini oshirish va xodimlar madaniyatini yuksaltirish boʻyicha agentlikning 2024-yil 13-maydagi 96-sonli buyrug‘ida nazarda tutilgan vazifalar ijrosi yuzasidan “Eng yaxshi kitobxon” koʻrik tanlovi oʻtkazildi
Tadbirda kitobxon markaziy apparat xodimlari va Kitobxonlik savodxonligini baholash ishchi guruhi ishtirok etishdi.
Koʻrik tanlov 2 bosqichda, yaʼni 1- bosqichda test savollari, 2- bosqichda kitobxon oʻzi oʻqigan asari haqida gapirib berishi va Kitobxonlik savodxonligini baholash ishchi guruhi tomonidan asar bo‘yicha savol-javob tarzida olib borildi.
Tanlovda qatnashgan xodimlarning oʻqigan kitoblari haqidagi fikrlari va berilgan savollarga javoblari asosida Kitobxonlik savodxonligini baholash ishchi guruhi tomonidan gʻoliblar aniqlandi.
“Eng yaxshi kitobxon” koʻrik tanlovi gʻoliblari boʻyicha:
Makroiqtisodiy indikatorlar va milliy hisoblar boshqarmasi xodimi Bakirov Bunyodbek – uchinchi o‘rin;
Raqamli texnologiyalar va interaktiv xizmatlarni rivojlantirish boshqarmasi xodimi Yoʻldoshaliyeva Odina – ikkinchi oʻrin;
Jismoniy va yuridik shaxslarning murojaatlari bilan ishlash va ijro intizomi nazorati boshqarmasi boshligi Salixova Gulbahor – birinchi oʻringa loyiq deb topildi va gʻoliblar pul mukofoti bilan taqdirlandi.