Joriy yilning 20-iyun kuni Oʻzbekiston Respublikasi Prezidenti huzuridagi Statistika agentligida “Oʻzbekistonda statistika tizimini takomillashtirish” loyihasi doirasida Jahon banki vakillari bilan uchrashuv boʻlib oʻtdi.
Unda Oʻzbekiston Respublikasi Prezidenti huzuridagi Statistika agentligi direktori Begalov Baxodir Abdusalomovich boshchiligidagi Markaziy apparat xodimlari hamda Jahon banki ishchi guruhi aʻzolari Obert Pimxitzay, Ikuko Uochi, Yuliya Komagayeva, Stela Leuka va loyihani boshqarish guruhi asosiy mutaxassislari qatnashdi.
Missiyaning maqsadi Oʻzbekiston Respublikasi Prezidenti huzuridagi Statistika agentligi faoliyati samaradorligini oshirish, statistik maʼlumotlarni ishlab chiqarish jarayonlarini va tarqatish amaliyotini takomillashtirishdan iborat.
Eslatib o’tamiz, O‘zbekiston Respublikasi Prezidentining 2020-yil 3-avgustdagi PQ- 4796-sonli qaroriga muvofiq, Jahon banki ekspertlari ko‘magida ishlab chiqilgan “2020–2025-yillarda O‘zbekiston Respublikasi statistikasini rivojlantirishning milliy strategiyasi” tasdiqilangan edi.
Uchrashuvda aholini roʻyxatga olishga tayyorgarlik koʻrish yuzasidan amalga oshirilayotgan ishlar ham koʻrib chiqildi. Muzokaralar yakunida tomonlar mazkur loyiha doirasida hamkorlikni davom ettirishga kelishib oldilar.
