2024-yilning yanvar-mart oylari yakunlariga koʻra, Oʻzbekiston Respublikasining yalpi ichki mahsuloti hajmi joriy narxlarda 242 701,6 mlrd. soʻmni tashkil etdi va 2023-yilning yanvar-mart oylari bilan taqqoslaganda 6,2 % ga oʻsdi.
Qishloq, oʻrmon va baliqchilik xoʻjaligining YAHM tarkibidagi ulushi boʻyicha eng yuqori koʻrsatkich Jizzax (30,1 %) va Xorazm (29,8 %) viloyatlarida, sanoatning eng yuqori ulushi Navoiy (77,7 %) va Toshkent (50,2 %) viloyatlarida, qurilishning eng yuqori ulushi Surxondaryo (9,0 %) va Buxoro (8,7 %) viloyatlarida, xizmatlar sohasining eng yuqori ulushi esa Toshkent shahri (62,2 %) va Samarqand viloyatida (54,8 %) kuzatildi.
