Joriy yilning 8–9-fevral kunlari Qirg‘iziston Respublikasining Bishkek shahrida Germaniya xalqaro hamkorlik jamiyati, Birlashgan Millatlar Tashkilotining (BMT) Ta’lim va tadqiqot instituti, Barqaror rivojlanishga ko‘maklashish markazi (CSD Center) va BMTning Atrof-muhit dasturi (UNEP) tomonidan “Elektron chiqindilar bo‘yicha Markaziy Osiyo forumi” bo‘lib o‘tdi.
Tadbirda O‘zbekiston Respublikasi Prezidenti huzuridagi Statistika agentligidan Qishloq xo‘jaligi va ekologiya statistikasi boshqarmasi boshlig‘i o‘rinbosari Daliyev Shuhrat Rustamovich ishtirok etdi.
Ushbu forumda MDH mamlakatlari statistika organlari, atrof-muhitni muhofaza qilish sohasidagi vazirlik va idoralar, nodavlat-notijorat tashkilotlari vakillari, Germaniya xalqaro hamkorlik jamiyati (GIZ), BMTning Ta’lim va Ilmiy tadqiqot instituti (UNITAR), Barqaror rivojlanishni qo‘llab-quvvatlash markazi (CSD Center), BMTning Atrof-muhit bo‘yicha dasturi (UNEP), Germaniya atrof-muhit agentligi, BMTning Taraqqiyot Dasturi (UNDP) va boshqa xalqaro tashkilotlar ekspertlari ishtirok etishdi.
Ikki kun davom etgan tadbirda ishtirokchilar elektron chiqindilarni boshqarish sohasidagi jahon tendensiyalari va muammolari, Markaziy Osiyo davlatlarining elektron chiqindilarni boshqarish sohasidagi muammolari va erishayotgan natijalari muhokama qilindi.
