2024-yilning 19-yanvar kuni O‘zbekiston Respublikasi Prezidenti huzuridagi Statistika agentligida, agentlik boshqarma boshliqlari hamda hududiy statistika organlari xodimlari ishtirokida onlayn seminar bo‘lib o‘tdi.
Tadbirda agentlik xodimlari soʻzga chiqib, 2023-yil yakunlari boʻyicha taqdim etiladigan 1-kb (yillik), 1-fx (yillik) va 1-mehnat (yillik) hisobot shakllarini eStat 4.0 axborot tizimi orqali qamrovini sifatli taʼminlash hamda ushbu jarayonlarda korrupsiyani oldini olish va unga qarshi kurashish boʻyicha tushunchalar berib o‘tdi.
Seminarda 1-kb (yillik), 1-fx (yillik) va 1-mehnat (yillik) hisobot shakllarini taqdim etishda eʼtibor beriladigan holatlar va tadbirkorlik subyektlari tomonidan yuborilgan hisobotlarni asossiz ravishda qaytarmaslik boʻyicha alohida topshiriqlar berildi.
Shuningdek, yig‘ilish yakunida ishtirokchilar tomonidan berilgan savollarga agentlik xodimlari atroflicha javob berishdilar.