2023-yilning 4-avgust kuni O‘zbekiston Respublikasi Prezidenti huzuridagi Statistika agentligida Xalqaro valyuta jamg‘armasining milliy hisoblar statistikasi bo‘yicha texnik ko‘maklashish missiyasi vakili – XVF statistika departamenti real sektor bo‘limi iqtisodchisi Levan Gogoberishvili bilan yakuniy uchrashuv bo‘lib o‘tdi.
Tadbirda O‘zbekiston Respublikasi Prezidenti huzuridagi Statistika agentligi direktori o‘rinbosari Ikromov A’zam Anvardjonovich hamda xalqaro ekspert Levan Gogoberishvili milliy hisoblar statistikasini takomillashtirish yuzasidan fikr-mulohaza almashdilar.
Missiyanining asosiy maqsadi – milliy hisoblarni tuzish uchun ma’lumotlar manbalarini takomillashtirishdan iborat.
Tadbir davomida ma’lumotlar manbalari hamda milliy hisoblar amaliyotini takomillashtirishda xalqaro tajribalardan foydalanish masalalarida fikr almashildi.
Bundan tashqari, ushbu uchrashuvda tomonlar kelgusidagi hamkorlik rejalariga oid masalalarni muhokama qildilar.
Tadbir so‘ngida Levan Gogoberishviliga Statistika agentligining esdalik sovg‘asi topshirildi.