2023-yilning 14-mart kuni Oʻzbekiston Respublikasi Prezidenti huzuridagi Statistika agentligida “Statistika koʻrsatkichilarini hisoblash nazariyasi va amaliyoti” mavzusida tadbir tashkil etildi.
![1-7j1a6386](https://stat.uz/images/1-7j1a6386.jpg)
Unda Statistika agentligi markaziy apparati rahbariyati, xodimlari hamda Toshkent davlat iqtisodiyot universiteti qoshidagi Ilmiy axborot markazi xodimlari ishtirok etishdi.
![2-7j1a6385](https://stat.uz/images/2-7j1a6385.jpg)
Tadbirda dastlab Statistika agentligi direktori Begalov Baxodir Abdusalomovich soʻz yuritib, yurtimizda statistika sohasida soʻnggi paytlarda amalga oshirilayotgan keng koʻlamli ishlar hamda ilmiy muassasalar bilan olib borilayotgan hamkorliklar to‘g‘risida aytib o‘tdi.
![3-7j1a6374](https://stat.uz/images/3-7j1a6374.jpg)
Toshkent davlat iqtisodiyot universiteti qoshidagi Ilmiy axborot markazi bosh ilmiy xodimi, iqtisodiyot fanlari doktori, professor Usmanov Anvar Saidmaxmudovich mavzu yuzasidan taqdimot qildi.
![4-7j1a6380](https://stat.uz/images/4-7j1a6380.jpg)
Shuningdek, iqtisodiy koʻrsatkichlarni hisoblash usullari, Oʻzbekistonda iqtisodiy koʻrsatkichlarni hisoblash tajribasi hamda metodologiyasini takomillashtirish yoʻnalishlari bo‘yicha maʼlumotlar almashildi.
![5-7j1a6389](https://stat.uz/images/5-7j1a6389.jpg)
Bu kabi uchrashuvlarni tez-tez oʻtkazib turish va oʻzaro tajriba almashish kelgusida faoliyat samaradoriligi oshirishda muhim ahamiyat kasb etishi taʼkidlandi.
![6-7j1a6382](https://stat.uz/images/6-7j1a6382.jpg)