Joriy yilning 10- fevral kuni Oʻzbekiston Respublikasi Prezidenti huzuridagi Statistika agentligi direktori o‘rinbosari Z. Ziyayev raisligida hududiy statistika boshqarmalari tomonidan aholini ro‘yxatga olishga tayyorgarlik ko‘rish bo‘yicha amalga oshirilayotgan ishlar holatini muhokamasiga bag‘ishlangan videokonferensaloqa shaklidagi yig‘ilish bo‘lib o‘tdi.
O‘tkazilgan yig‘ilishda hududlarda kadastr organlari bilan mahalla va aholi punktlarining xaritalarini yangilash va aholini ro‘yxatga olish masalalariga oid targ‘ibot-tashviqot ishlari bo‘yicha amalga oshirilayotgan ishlar tanqidiy muhokama qilindi.
Yig‘ilish muhokamasida amalga oshirilayotgan ishlarda xato va kamchiliklarga yo‘l qo‘yilayotgan hududlarning hisobotlari tinglandi va ushbu kamchiliklarni bartaraf etish muddatlari belgilandi.
