Joriy yilning 5-fevral kuni Oʻzbekiston Respublikasi Prezidenti huzuridagi Statistika agentligida BMT Aholishunoslik jamgʻarmasining aholi soni boʻyicha doimiy vakili Nigina Abaszade bilan uchrashuv bo‘lib o‘tdi.
Nigina Abaszade 2023-yil 24-dekabrdan boshlab BMT Aholishunoslik jamgʻarmasining (UNFPA) Oʻzbekiston Respublikasidagi doimiy vakili sifatida ish boshladi va oʻz missiyasi doirasida 5-fevral kuni Oʻzbekiston Respublikasi Prezidenti huzuridagi Statistika agentligiga tashrif buyurdi.
Tadbir davomida Oʻzbekiston Respublikasi Prezidenti huzuridagi Statistika agentligi direktori Begalov Bahodir Abdusalomovich, Nigina Abaszadeni lavozimga tayinlangani bilan alohida tabriklab o‘tdi hamda UNFPA bilan hamkorlikning keyingi yoʻnalishlarini muhokama qildi.
Shuningdek Nigina Abaszade Statistika agentligining sifatli statistik ma’lumotlarni yetkazib beruvchi tashkilot sifatida mas’uliyati oshganini, aholi soni, uning jinsi va yoshi tuzilishi, yashash sharoitlari va migratsiyasi haqida batafsil tasavvurga ega bo‘lishda, aholini ro‘yxatga olishni o‘tkazilishi asosiy axborot manbai bo‘lib xizmat qilishini ta’kidladi.
Ishtirokchilar aholini ro‘yxatga olish, milliy siyosatni ishlab chiqish va rejalashtirish hamda mamlakat rivojlanishini monitoring qilish uchun asosiy ma’lumotlar manbai ekanligini aytib o‘tdi.
Uchrashuv yakunida kelajakda amalga oshirilishi lozim bo'lgan qo'shma loyihalar va tashabbuslarni tayyorlash bo'yicha hamkorlikni yanada mustahkamlashga kelishib oldilar.
