Joriy yilning 27-dekabr kuni Oʻzbekiston Respublikasi Prezidenti huzuridagi Statistika agentligida Investitsiyalar va qurilish statistikasi boshqarmasi mutaxassislari hamda hududiy statistika boshqarmalarining Investitsiya va qurilish statistikasi bo‘limi ma’sul xodimlari ishtirokida onlayn seminar bo‘lib o‘tdi.
Mazkur yig‘ilishda Oʻzbekiston Respublikasi Prezidenti huzuridagi Statistika agentligining Investitsiyalar va qurilish statistikasi boshqarmasi boshligʻi o‘rinbosari Javlon Soipov 2023-yil yakunlarini sifatli hisob – kitobi hamda qurilish statistikasiga oid statistika kuzatuvlarni samarali tashkil etish masalalari bo‘yicha so‘z yuritdi.
Videokonferensiyada agentlikning Investitsiyalar va qurilish statistikasi boshqarmasi va hududiy statistika boshqarmalarining ma’sul xodimlari sohadagi mavjud muammo va kamchiliklarni muhokama va tahlil qilgan holda tizimni rivojlantirish bo‘yicha fikr-mulohaza almashdi.
Hududiy statistika boshqarmalari xodimlariga agentlik mutaxassislari tomonidan amaliy ahamiyatga ega bo‘lgan taklif va tavsiyalar berildi.
