2023-yil 5-dekabr kuni O‘zbekiston Respublikasining Ochiq ma’lumotlar portali data.egov.uz Ochiq ma’lumotlar institutining (Open Data Institute) “Gold level” oltin darajadagi sertifikatini oldi. Bu foydalanuvchilar ishonishi mumkin bo‘lgan barqaror qo‘llab-quvvatlanadigan ochiq ma’lumotlar muntazam nashr etilishini anglatadi.
Bugungi kunda Ochiq ma’lumotlar institutining sertifikatini dunyodagi 155 mingdan ortiq sayt va portallar olgan.
Shu jumladan, dunyoda atigi 3 ta sayt eng yuqori bo‘lgan “Platinum level” darajadagi sertifikatga ega – ulardan biri O‘zbekiston Respublikasi Prezidenti huzuridagi Statistika agentligining rasmiy sayti stat.uz.
Shuningdek, dunyoda jami 9 ta sayt va portallar “Gold level” oltin darajadagi sertifikat olishga muyassar bo‘ldi va ular qatoriga O‘zbekiston Respublikasining Ochiq ma’lumotlar portali data.gov.uz qo‘shildi.
Bu yutuqlar mamlakatimizda ochiqlik sohasida amalga oshirilayotgan islohotlarni yaqqol namoyon etmoqda.
Ochiq ma’lumotlar Sertifikati – Ochiq ma’lumotlar instituti tomonidan ishlab chiqilgan va qo‘llab-quvvatlanadigan, sifatli ochiq ma’lumotlarning barqaror nashr etilishini baholash va e’tirof etish uchun bepul onlayn vosita hisoblanadi.
Ochiq ma’lumotlar institutining jami 4 ta darajadagi sertifikatlari mavjud:
- Bronze level (bronza darajasi);
- Silver level (kumush darajasi);
- Gold level (oltin darajasi);
- Platinum level (platina darajasi).
Ochiq ma’lumotlar Sertifikati – ochiq ma’lumotlarning nashr etilishini professionallashtirish uchun tasdiqlangan standartlar to‘plamiga mos keladigan mustaqil sifat belgisidir. Barqaror ochiq ma’lumotlardan foydalanishni qo‘llab-quvvatlash uchun huquqiy, amaliy, texnik va ijtimoiy talablarni qamrab oladi.
Sertifikatni olish uchun ma’lumotlar nashriyoti so‘rovnomasi qo‘llab-quvvatlash darajasini va ma’lumotlarni qayta ishlatish va aniqlash uchun olingan qadamlarni baholaydi. Javoblarga qarab, Ochiq ma’lumotlar instituti (ODI) veb-saytida foydalanuvchilar uchun nashriyot jarayonining sifat darajasini belgilash uchun yaratilishi mumkin bo‘lgan belgi bilan mukofotlaydi.
Ochiq ma’lumotlar sertifikati (Open Data Certificate) ma’lumotlarning yeng yaxshi amaliyotlarga muvofiqligini aniq baholashni ta’minlaydi va ushbu nashriyotchilarga maqbul qayta foydalanish uchun ma’lumotlarini yaxshilash bo‘yicha tavsiyalar beradi.