Statistika agentligi tomonidan yirik savdo tashkilotlari bilan hamkorlikni kengaytirish borasida amaliy ishlar olib borilmoqda.
Joriy yilning 22-noyabr kuni Oʻzbekiston Respublikasi Prezidenti huzuridagi Statistika agentligi hamda respublikada eng yirik savdo tarmoqlaridan biri boʻlgan “HAVAS FOOD” MCHJ oʻrtasida oʻzaro hamkorlik Memorandumining imzolangani mazkur ishlarning amaliy natijalaridan biri hisoblanadi.
Imzolangan Memorandum doirasida tomonlar oʻrtasida oʻzaro manfaatli axborot almashuvi yoʻlga qoʻyiladi. Uchrashuvda mazkur masalalar yuzasidan konstruktiv fikr-mulohazalar bildirildi.
Eslatib oʻtamiz, avvalroq hamkorlikni kengaytirish doirasida Statistika agentligi va “OLX CLASSIFIEDS” MCHJ oʻrtasida oʻzaro hamkorlik Memorandumi imzolangan edi.
Statistika agentligi tomonidan mazkur yoʻnalishda kelgusida ham ishlar davom ettiriladi. Oʻz navbatida, Statistika agentligi savdo faoliyati bilan shugʻullanuvchi tadbirkorlar bilan ikki tomonlama oʻzaro manfaatli hamkorlik oʻrnatishga tayyorligini bildiramiz.