Welcome to navstat   Click to listen highlighted text! Welcome to navstat Powered By GSpeech

Davlat statistika qo`mitasi markaziy apparatida “Call centre” tashkil etilgan. Murojaat uchun telefon: (+998 71) 203-80-00

Портал

 

     Yangiliklarimizga obuna    bo'ling


Жорий йилнинг 20 август куни Жиноят ишлари бўйича Навоий вилоят суди биносида жиноят, фуқаролик, маъмурий ва иқтисодий судларининг фаолияти ҳамда 2020 йил биринчи ярмида одил судловни таъминлаш борасида амалга оширган ишлари тўғрисида жамоатчилик ва оммавий ахборот воситалари вакилларини хабардор қилиш мақсадида матбуот анжумани ўтказилди.

Ўтказилган тадбирда вилоят судлари раислари ва ўринбосарлари томонидан Президентимиз ташаббуси билан суд-ҳуқуқ соҳасида амалга оширилаётган ислоҳотлар ва бу борада қабул қилинган Фармон ва қарорлари жамиятда қонун устуворлигини таъминлаш, одил судловга эришиш ва самарадорлигини оширишда юксак самаралар бераётганини таъкидлаб, судлар томонидан 2020 йилнинг 6 ойи мобайнида кўрилган ишларнинг умумий таҳлили, шу билан бирга иш тоифалари таҳлиллари юзасидан ахборотлар беришди.

Жумладан, Жиноят ишлари бўйича Навоий  вилоят судлари томонидан 2020 йил 6 ойи давомида жиноят ишлари бўйича Навоий вилоят суди ва вилоятнинг туман (шаҳар) судлари томонидан жами 539 нафар шахсга нисбатан 429 та жиноят иши тамомланган бўлиб, кўриб тамомланган шахслар ва ишлар салмоғи ўтган йилнинг шу даврига нисбатан 55 нафар шахс ёки 9,9 фоизга камайган бўлса, жиноят ишлари эса 1 та ёки 0,3 фоизга кўпайган.

Тамомланган ишлардан 408 нафар шахсга нисбатан 306 та жиноят иши бўйича ҳукм чиқарилган бўлиб, ҳукм чиқарилган ишлар сони 26 та ёки 7,9 фоизга камайган.

Жами тамомланган ишларнинг 14 таси вилоят судининг биринчи инстанциясида, 415 таси эса туман (шаҳар) судларида кўрилган.

2020 йилнинг биринчи ярмида 4 нафар шахс биринчи инстанцияда, 22 нафар шахс апелляция ёки кассация инстанцияси томонидан оқланган.

Ушбу даврда судланганларнинг 30 нафари ёки 7,7 фоизига жарима, 9 нафари ёки 2,3 фоизига мажбурий жамоат ишлари, 135 нафари ёки 34,6 фоизига ахлоқ тузатиш ишлари, 95 шахсга ёки 24,4 фоизига озодликни чеклаш, 119 шахсга ёки 30,5 фоизига озодликдан маҳрум қилиш жазолари тайинланган.

2020 йилнинг биринчи ярмида жами кўриб чиқилган 429 та жиноят ишидан 129 таси ёки 30,7 фоизи сайёр суд мажлисларида кўриб чиқилиб, шундан 12 таси оммавий ахборот воситалари орқали ёритилган. 

Фуқаролик ишлари бўйича Навоий вилоят судлари томонидан ҳам 2020 йилнинг 6 ойи мобайнида одил судловни амалга ошириш борасида муайян ишлар амалга оширилган.

Жумладан, вилоят ва туманлараро судларида 2020 йил биринчи ярми давомида жами 3 926 та фуқаролик ишлари мазмунан кўрилиб ҳал қилинди. Бу кўрсаткич 2019 йил (3 559 та)га нисбатан 367 тага кўпайганлигини кузатиш мумкин.

Жами кўрилган 3 926 та фуқаролик ишларидан 3 281 таси ёки 83,6 фоизи бўйича ҳал қилув қарорлари чиқарилган, 156 таси ёки 4,0 фоизи бўйича фуқаролик ишлари ҳаракатдан тугатилган ҳамда 489 таси ёки 12,4 фоизи бўйича даъво аризалари кўрмасдан қолдирилган.

Навоий вилоят маъмурий судлари томонидан 2020 йилнинг 6 ойи давомида вилоят ҳамда туман (шаҳар) маъмурий судларида 9 915 та шахсга нисбатан 7 721 та иш кўриб чиқилган.

Ҳуқуқбузарликлар 2020 йил 6 ойи давомида (7 721 та иш) 2019 йил 6 ойи давомида (8 271 та иш) нисбатан 550 тага камайган.

Суриштирув органи томонидан 2020 йил 6 ойи мобайнида маъмурий судларга 7 743 та маъмурий ишлар келиб тушган бўлиб, шундан 4 305 таси ички ишлар бўлимларидан, 968 таси прокуратура, 938 таси солиқ идоралари томонидан, 117 таси божхона органи томонидан ва 1 409 таси бошқа органлардан келиб тушган ишларни ташкил этади.

Суд мажлисларининг тарбиявий ва профилактик аҳамиятини ошириш, томонларга процессда қатнашиб, ўз ҳақ-ҳуқуқларини ҳимоя қилишларига қулайликлар яратиш мақсадида ҳисобот даврида жами кўрилган 7 721 та ишларнинг 2 409 таси ёки 31,2 фоизи сайёр суд мажлисларида ҳал этилган.

Навоий вилоят иқтисодий судлари томонидан 2020 йилнинг 6 ойи мобайнида жами 1 027 та иш кўриб чиқилиб, даъвогарлар, шу жумладан хусусий тадбиркорлик субъектлари фойдасига 203 млрд. 950 млн. сўм зарарлар ундирилган. Низоли тартибда кўрилган ишларнинг 212 таси ёки 20,6 фоизи сайёр суд мажлисларида ҳал этилган.

Кўрилган ишларнинг 762 таси ёки 74,2 фоизи фуқаролик ҳуқуқий муносабатга оид, 257 таси ёки 25,1 фоизи маъмурий ҳуқуқий муносабатларга оид, 6 таси ёки 0,5 фоизи коорпоратив муносабатларга оид ҳамда 2 таси ёки 0,2 фоизи банкротлик ва юридик фактларни аниқлашга оид низоларни ташкил этган.

Судлар томонидан жойларда олиб борилаётган ҳуқуқий тарғибот ишлари ўз самарасини бермоқда. Хусусан, фуқаролар ва тадбиркорларнинг шартнома ва тўлов интизомига риоя қилинаётганлиги натижасида кўрилган ишлар сони ўтган йилнинг шу даврига нисбатан 1 299 тага ёки 55,8 фоизга камайган.

Даъво ариза ва аризаларини тақдим этишда республика бюджетига ихтиёрий тўланган давлат божи 289 млн. сўмни, суд қарорларига асосан ундирилиши белгиланган давлат божи миқдори 9 млрд. 241 млн. сўм сўмни ташкил этган.

Шу билан бирга жами 164 та ҳуқуқий тарғибот ишлари амалга оширилиб, шундан 123 таси ОАВларда ёритилган бўлса, 41 таси бўйича бевосита аҳоли билан учрашувлар ҳамда очиқ мулоқатлар ташкил этилган.

Навоий вилояти судлари томонидан жиноятчилик ва ҳуқуқбузарликларнинг олдини олишда аҳолининг ҳуқуқий онги ва маданиятини ошириш масаласига ҳам алоҳида эътибор қаратилиб, бу борада оммавий ахборот воситалари ҳамда жамоатчилик билан яқин ҳамкорлик ўрнатилган.

Ўзбекистон "Маҳалла" хайрия жамоат фонди Навоий вилояти бўлими бошқаруви раиси Фаҳриддин Солиев Ўзбекистон Республикаси Президентининг “Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида” 2020 йил 30 июлдаги ПФ-6038-сон Фармонининг жойлардаги ижроси билан яқиндан танишиш мақсадида Конимех туманининг "Наврўз", "Шўркўл" ҳамда "Тўққизтепа" маҳалла фуқаролар йиғинларида ўрганишлар олиб борди.

Bugun Navoiy viloyat Hokimi K.Tursunov erta tongdan tegishli mas'ullar bilan birgalikda Navoiy shahridagi markaziy dehqon bozoriga bordi.

Jarayonda bozorda narx-navoning asossiz tarzda oshib ketishiga yo'l qo'ymaslik yuzasidan savdo nuqtalari egalari bilan birma-bir suhbatlashdi.

Navoiy shahar bozorlarida narx-navoning barqaror saqlanishini tashkil etish bo'yicha shaharda tuzilgan maxsus ishchi guruhi a'zolariga tushuntirish, targ'ibot va tashviqot ishlarini yanada kuchaytirish yuzasidan aniq topshiriq va ko'rsatmalar berdi.

Qayd etish kerakki, viloyat va shahar hokimining alohida nazorati ostida shahar bozorlaridagi narx-navolarning asossiz oshib ketishining oldini olish bo'yicha barcha choralar ko'rilmoqda.

Kuni kecha viloyat Hokimi Q.Tursunov Navoiy shahridagi NDKI Huzuridagi akademik litseyda Navoiy shahri va Karmana tumani aholisi bilan sayyor qabul o'tkazdi.

 Sayyor qabulda viloyat Xalq qabulxonasi mudiri, sektor rahbarlari, deputatlar, Navoiy shahri va Karmana tumani hokimi hamda tegishli viloyat va shahar, tuman tashkilot mutasaddilari ishtirok etdi.

 Qabulda fuqarolarning muammolari atroflicha tinglanib, ularning har biri alohida nazoratga olindi. Masalalarni hal etish yuzasidan tegishli mas'ullarga aniq va muddatli topshiriqlar berildi.

 Xalq bilan muloqot qilishning bunday samarali usuli aholini tashvishlantirayotgan muammolarini tezkorlik bilan ijobiy echimini topishda hamda ularning davlatdan rozi bo'lishida muhim ahamiyat kasb etmoqda.

 Navoiy shahar hokimligi Axborot xizmati:@Navoiy_shahar_axborot_xizmat

Viloyat hokimi K.Tursunovning yoshlar va aholi bilan navbatdagi uchrashuvi Navbahor tumani “Keskanterak” madaniyat uyida bo'lib o'tdi.

An'anaga aylangan uchrashuvlarning bu galgisida Yoshlar ittifoqi viloyat kengashi raisi, Oliy Majlis Senati a'zosi J.Xodjaev, senator, U.Fayziev hamda viloyat va tuman miqyosidagi davlat boshqaruvi organlari rahbarlari ishtirok etishdi.

Bevosita muloqot va noformal tarzda tashkil etilgan uchrashuvda o'nlab yoshlar tomonidan bildirilgan taklif, muammo va o'z echimini topmay kelayotgan masalalar o'rtaga tashlandi.

- Men bugungi uchrashuvdan juda ham mamnunman. Ochig'i, o'zgacha kuch-g'ayrat, ishtiyoq va ko'tarinki ruh oldim, - deydi Abbos Boboqulov. Negaki, 10 gektar er olib bog' qilish niyatim bor edi, ammo bu masalaning bunchalik tez hal bo'lishini kutmagandim. Viloyat hokimi mening bu tashabbusimni juda iliq qarshiladi. Hatto bank rahbarlari menga zarur bo'ladigan mablag' borasida ham yordam berishga tayyor ekanliklarini aytganlaridan ko'nglim tog'dek ko'tarildi. Eng muhimi anchadan beri o'ylab yurgan niyatim amalga oshadigan bo'ldi.

Darhaqiqat, salkam uch soat davom etgan muloqotlar davomida aholi va yoshlar tomonidan 30 dan ortiq turli yo'nalishlarda o'rtaga tashlangan muammoli masalalarning 20 tasiga joyida echim topildi.

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash