Welcome to navstat   Click to listen highlighted text! Welcome to navstat Powered By GSpeech

Jahonda iqtisodiy raqobat tobora kuchayib borayotgan hozirgi davrda barqarorlikning asosiy omili ishlab chiqarishni kengaytirish va tashqi bozorlarda mustahkam oʻrin egallashdir.

Eksport faoliyatini qoʻllab-quvvatlash boʻyicha koʻrilgan choralar natijasida oʻtgan yili mamlakatimiz eksporti hajmi 28 foizga oʻsdi. Hududiy sanoat eksporti qariyb 2 barobarga oshdi.

Mazkur yoʻnalishdagi koʻrsatkichlarni yanada oshirish maqsadida bu yildan boshlab prognoz koʻrsatkichlarini belgilash va monitoring qilish boʻyicha yangi tizim joriy etildi.

Avvalambor, eksport prognozi 3 yillik qilib tasdiqlandi. 2020-yil rejasi oʻtgan yilgiga nisbatan 22 foiz koʻp belgilandi.

Videoselektor yigʻilishida eksport, investitsiya va mahalliylashtirish yoʻnalishlariga masʼul mutasaddilarning vazifalari koʻrib chiqildi. Har bir dollardan unumli foydalanish boʻyicha hududlar va tarmoqlar rahbarlarining shaxsiy masʼuliyati belgilandi.

Davlatimiz rahbari bundan buyon tarmoq yoki hududning masalasi degan sansolarlik boʻlmasligi, eksport prognozi ijrosini taʼminlashga har bir vazir, xoʻjalik birlashmasi rahbari hokim bilan birga teppa-teng javob berishini taʼkidladi.

Investitsiyalar va tashqi savdo vazirligiga joriy yilgi eksport prognozi ijrosini toʻliq taʼminlash boʻyicha “yoʻl xaritasi” ishlab chiqib, mahsulotlarni qayerga, qachon eksport qilish va buni amalga oshirish boʻyicha aniq chora-tadbirlarni belgilash vazifasi qoʻyildi.

Toʻqimachilik, meva-sabzavotchilik, charm-poyabzal, qurilish materiallari va avtomobil sanoati kabi yetakchi tarmoqlar salohiyatidan samarali foydalanish zarurligi koʻrsatib oʻtildi.

“Oʻztoʻqimachiliksanoat” uyushmasiga paxta tolasini qayta ishlash quvvatlarini 80 foizga yetkazish, yangi korxonalar hisobiga eksport nomenklaturasini diversifikatsiya qilish hamda geografiyasini kengaytirish topshirildi.

Mamlakatimiz eksportyorlarining salohiyatli bozorlarga kirishini yengillashtirish uchun imtiyozli savdo rejimini joriy etish, “GSP+” umumiy preferensiyalar tizimiga qoʻshilish yuzasidan ham koʻrsatmalar berildi.

Yigʻilishda meva-sabzavotlar eksporti masalasi atroflicha muhokama qilindi.

Meva-sabzavot ekinlarini eksport talabidan kelib chiqib optimal joylashtirish, salohiyatli tashqi bozorlarda savdo uylari va dilerlik tarmoqlarini tashkil etish boʻyicha topshiriqlar berildi. Ixtisoslashgan 55 ta tumanda meva-sabzavotlar ishlab chiqarishni klaster shakliga oʻtkazish masalasiga ham toʻxtalib oʻtildi.

“Oʻzstandart” agentligiga hududiy hokimliklar bilan birgalikda 155 ta fermer xoʻjaligida “Global G.A.P.” xalqaro standartini joriy etish, Oʻsimliklar karantini davlat inspeksiyasiga qishloq xoʻjaligi mahsulotlarini tashqi bozorlar talablariga muvofiqlashtirish boʻyicha topshiriqlar berildi.

Eksport faoliyati jozibadorligini oshirish uchun eksport va eksportoldi moliyalashtirish tizimini tashkil etish, tashish xarajatlarini qoplash mexanizmini kengaytirish borasida chora-tadbirlar belgilandi.

Videoselektor yigʻilishida investitsiyalarni jalb etish masalalari tahlil qilindi.

Oʻtgan yili barcha manbalar hisobidan oʻzlashtirilgan investitsiyalarning qariyb 30 foizini toʻgʻridan-toʻgʻri xorijiy sarmoyalar tashkil etdi. Sanoati rivojlanmagan, olis tumanlarga ham katta investitsiyalar kirib bordi. Umumiy qiymati 5,4 milliard dollar boʻlgan 145 ta tarmoq va 167 ta hududiy loyihalar ishga tushirildi.

Joriy yildan boshlab Investitsiya dasturlari yangi tizim asosida ishlab chiqildi. 2020-yil uchun 1569 ta xususiy va toʻgʻridan-toʻgʻri investitsiya loyihalari roʻyxati tasdiqlandi. Mazkur dasturga asosan shu yilda 233 trillion 200 milliard soʻm, jumladan 7,1 milliard dollar miqdorida toʻgʻridan-toʻgʻri xorijiy investitsiyalar va kreditlar oʻzlashtirilishi koʻzda tutilgan.

Yigʻilishda tarmoqlar va hududlar rahbarlari bu borada amalga oshirishi zarur boʻlgan chora-tadbirlar belgilab berildi.

Tegishli vazirlik, idora va hoʻjalik birlashmalari rahbarlariga tarmoq loyihalarini oʻz vaqtida ishga tushirish boʻyicha javobgarlik yuklandi. Hududlarda amalga oshiriladigan toʻgʻridan-toʻgʻri investitsiyalar ishtirokidagi har bir loyihaga respublika idoralari rahbarlari masʼul sifatida biriktirildi.

Mutasaddilarga galdagi loyihalar boʻyicha loyihaoldi ishlarini yakunlab, xorijiy investorlar bilan shartnomalar imzolash va ijrosini qatʼiy nazoratga olish boʻyicha koʻrsatmalar berildi.

Videoselektorda joriy yilda byudjet mablagʻlari hisobidan amalga oshiriladigan ijtimoiy va infratuzilma loyihalar ijrosi ham muhokama qilindi.

Prezidentimiz byudjet mablagʻlarining samarali sarflanishi, belgilangan 2 ming 190 ta obyektda qurilish-taʼmirlash ishlari sifatli bajarilishini qatʼiy nazoratga olish zarurligini taʼkidladi.

Joriy yilda 372 ta bolalar bogʻchasi, 343 ta maktab, 228 ta tibbiyot muassasasi, 61 ta oliy oʻquv yurti, 44 ta sport inshooti, 187 ta ichimlik va oqova suv tarmogʻi, 241 ta irrigatsiya va melioratsiya obyektida qurilish-taʼmirlash ishlari belgilangan.

Oʻtgan yili boshlangan loyihalarni sifatli amalga oshirish, yangi obyektlar boʻyicha tender savdolarini yakunlash va moliyalashtirish yuzasidan topshiriqlar berildi.

Prezidentimiz investitsiya loyihalarini ishlab chiqish, amalga oshirish va monitoring qilish, investitsiyalar samaradorligini baholashda muammolar saqlanib qolayotganini koʻrsatib oʻtdi.

Mutasaddilarga xorijiy ekspertlarni jalb qilgan holda tarmoqlar va hududlar boʻyicha investitsiya strategiyasini ishlab chiqish, bunda jalb qilinayotgan investitsiyalar samaradorligi va iqtisodiy-ijtimoiy taʼsirini baholash, toʻgʻridan-toʻgʻri xorijiy sarmoyalarni yoʻnaltirish uchun yetakchi sohalarni belgilash vazifasi qoʻyildi.

Investitsiya loyihalarini joylashtirishda birinchi navbatda infratuzilmaga ulanish imkoniyatlari va xarajatlariga alohida eʼtibor qaratish zarurligi taʼkidlandi.

Bugungi kunning dolzarb masalalaridan yana biri – mahalliylashtirishni chuqurlashtirish orqali ichki va tashqi bozorda raqobatbardosh mahsulotlar ishlab chiqarish.

2019-yil yakuni boʻyicha lokalizatsiya doirasida 800 dan ortiq loyihalar ishga tushirildi. Xususan, polivinilxlorid, katanka, elektrodvigatel, shisha idishlar, maishiy texnika, har xil dori-darmonlar va boshqa turdagi mahsulotlar ishlab chiqarish oʻzlashtirildi.

Joriy yildan boshlab mahalliylashtirish dasturini yangicha yondashuvlar asosida shakllantiramiz, dedi davlatimiz rahbari.

Xususan, 830 ta loyiha doirasida 9 trillion soʻmlik yangi turdagi mahsulotlar ishlab chiqarish rejalashtirilgan.

“Oʻzeltexsanoat” uyushmasi, “Oʻzagrotexsanoat-xolding” AJ, “Oʻzavtosanoat” AJ, “Farmatsevtika tarmogʻini rivojlantirish” agentligi, “Oʻzsanoatqurilishmateriallari” uyushmasi, shuningdek, Toshkent shahri, Fargʻona viloyati, Xorazm, Jizzax, Sirdaryo, Toshkent viloyatlari aniq loyihalarni amalga oshirishlari lozimligi qayd etildi.

Shu munosabat bilan, Vazirlar Mahkamasi hamda Iqtisodiyot va sanoat vazirligiga har bir vazirlik va idora bilan birgalikda bir oy muddatda 2020-yil mahalliylashtirish dasturiga kiritilgan loyihalar boʻyicha tarmoq jadvallarini tasdiqlash vazifasi yuklatildi.

Davlatimiz rahbari taʼkidlanidek, loyihalarni amalga oshirishda asosiy eʼtibor mahsulotning raqobatbardoshligi va iqtisodiy samaradorligiga, tannarxini kamaytirishga qaratilishi kerak.

“Oʻzstandart” agentligiga tadbirkorlik subyektlariga import oʻrnini bosuvchi sanoat mahsulotlari ishlab chiqarishni oʻzlashtirishda standartlashtirish, metrologiya va sertifikatlash boʻyicha amaliy yordam koʻrsatish belgilandi.

Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlariga mahalliylashtirish dasturi doirasidagi loyihalarning oʻz vaqtida amalga oshirilishi boʻyicha shaxsiy nazorat oʻrnatish topshirigʻi berildi.

Iqtisodiyot va sanoat vazirligi, Savdo-sanoat palatasiga joylardagi masʼullar bilan birgalikda Respublika sanoat yarmarkasi doirasida tuzilgan shartnomalar ijrosini toʻliq va oʻz vaqtida taʼminlash choralarini koʻrish vazifasi qoʻyildi.

Videoselektor yigʻilishida mutasaddi rahbarlarning hisoboti eshitildi, galdagi muhim vazifalar belgilab olindi.

 
O'zA
 

 

Vatan himoyachilari kuni va Oʻzbekiston Respublikasi Qurolli Kuchlari tashkil etilganining 28 yilligi munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash toʻgʻrisida

Oʻzbekiston Respublikasi Prezidentining

f a r m o n i

 

Mamlakatimizning mudofaa qudrati va harbiy-texnik salohiyatini yuksaltirish, davlat xavfsizligi va chegaralarimiz daxlsizligini taʼminlash, professional milliy armiyani shakllantirish, harbiy xizmat nufuzini oshirishdagi katta xizmatlari, jamoat tartibini saqlash, tinchlik va osoyishtalikni mustahkamlash, fuqarolarning qonuniy manfaatlari, huquq va erkinliklarini himoya qilish borasidagi samarali mehnati, xizmat burchini bajarishda mardlik, jasorat va fidoyilik koʻrsatgani, yoshlarni Vatanga sadoqat ruhida tarbiyalash, yuqori malaka va mahoratga ega kadrlarni tayyorlash ishlariga qoʻshgan munosib hissasi uchun quyidagilar orden va medallar bilan mukofotlansin:

I darajali “Shon-sharaf” ordeni bilan

Turdiyev
Alisher Talibovich

-

Oʻzbekiston Respublikasi Mudofaa vazirligi boshqarma boshligʻining oʻrinbosari

II darajali “Shon-sharaf” ordeni bilan

Buzrukov
Lutfulla
Yusupovich

-

Oʻzbekiston Respublikasi Qurolli Kuchlari harbiy okrug qoʻshinlari qoʻmondoni

Ismailov
Timur Kamalatdinovich

-

Oʻzbekiston Respublikasi Ichki ishlar vazirligi bosh boshqarma boshligʻi

Majidov
Ulugbek Abduvoxidovich

-

Oʻzbekiston Respublikasi Mudofaa vazirligi harbiy qism komandiri

Rashidov
Alisher Abdumajidovich

-

Oʻzbekiston Respublikasi Milliy gvardiyasi boshqarma boshligʻi

Teshaboyev
Murod Oyxoʻjayevich

-

Oʻzbekiston Respublikasi Mudofaa vazirligi harbiy qism komandiri

“Doʻstlik” ordeni bilan

Bya
Yuriy Yaroslavovich

-

Oʻzbekiston Respublikasi Favqulodda vaziyatlar vazirligi Yongʻin xavfsizligi bosh boshqarmasi boʻlim boshligʻining oʻrinbosari

Zaxidov
Abdurasul Abdusattarovich

-

“Discover Invest” masʼuliyati cheklangan jamiyati direktori

Zemskov
Aleksandr Yuryevich

-

Oʻzbekiston Respublikasi Mudofaa vazirligi harbiy qism komandiri

Mirvoxitov
Mirsaid
Mirfatux oʻgʻli

-

“Natural Houses” masʼuliyati cheklangan jamiyati direktori

Mirgaliyev
Asxat Osatovich

-

Oʻzbekiston Respublikasi Ichki ishlar vazirligi oʻquv markazi katta yoʻriqchi-oʻqituvchisi

Mirxanov
Umid Saparovich

-

Oʻzbekiston Respublikasi Mudofaa vazirligi harbiy qism komandirining oʻrinbosari

Turgunov
Ilxom Turgunovich

-

Oʻzbekiston Respublikasi Milliy gvardiyasi markaziy apparati boshqarma boshligʻi

 

“Mardlik” ordeni bilan

Kosimov
Ravshan Norkobilovich

-

Oʻzbekiston Respublikasi Mudofaa vazirligi harbiy qism komandiri

Mamatmusayev
Mirzokul Mavlonqulovich

-

Surxondaryo viloyati Ichki ishlar boshqarmasi boshligʻining jamoat tartibini saqlash boʻyicha oʻrinbosari

Otaqoʻziyev
Shuhratjon Nurmuxammadovich

-

Oʻzbekiston Respublikasi Milliy gvardiyasi harbiy qism komandiri

Raxmonov
Raxmatullo Bozorovich

-

Oʻzbekiston Respublikasi Mudofaa vazirligi harbiy qism komandiri

Sobirov
Botirjon Zokirovich

-

Oʻzbekiston Respublikasi Mudofaa vazirligi harbiy qism batareyasi komandiri

Toʻraxonov
Qaxramonjon Erkinovich

-

Oʻzbekiston Respublikasi Ichki ishlar vazirligi bosh boshqarmasi boʻlim boshligʻi

Hakimov
Ramazon Salimovich

-

Oʻzbekiston Respublikasi Davlat xavfsizlik xizmati harbiy xizmatchisi

           

“Jasorat” medali bilan

Abdullayev
Azizxon
Toxirjon oʻgʻli

-

Oʻzbekiston Respublikasi Davlat xavfsizlik xizmati harbiy xizmatchisi

Abdulloyev
Salim Shokirovich

-

Oʻzbekiston Respublikasi Mudofaa vazirligi harbiy qism guruh komandirining oʻrinbosari

Abidov
Murod Mirvaxidovich

-

Oʻzbekiston Respublikasi Ichki ishlar vazirligi Toshkent shahri boʻyicha boshqarmasi otryad komandiri

Alimov
Sherzod Boxodirovich

-

Oʻzbekiston Respublikasi Davlat xavfsizlik xizmati harbiy xizmatchisi

Buribayev
Nurali Zulxaydorovich

-

Oʻzbekiston Respublikasi Mudofaa vazirligi harbiy qism vzvodi komandiri

Dulanov
Mirzoxid Maxamadaliyevich

-

Oʻzbekiston Respublikasi Milliy gvardiyasi harbiy qism vzvodi komandirining oʻrinbosari

Jabborov
Jahongir Sotiboldiyevich

-

Oʻzbekiston Respublikasi Davlat xavfsizlik xizmati harbiy xizmatchisi

Jalilov
Jamshid Norkuziyevich

-

Oʻzbekiston Respublikasi Mudofaa vazirligi harbiy qism vzvodi komandiri

Joʻrayev
Axrol Axatullayevich

-

Oʻzbekiston Respublikasi Davlat xavfsizlik xizmati harbiy xizmatchisi

Ismatullayev
Barxayet Soyibovich

-

Oʻzbekiston Respublikasi Mudofaa vazirligi harbiy qism vzvodi komandirining oʻrinbosari

Yigitaliyev
Oybek Askaraliyevich

-

Oʻzbekiston Respublikasi Mudofaa vazirligi harbiy qism eskadrilyasi komandiri

Yigitaliyev
Shokirjon
Zuxriddin oʻgʻli

-

Oʻzbekiston Respublikasi Davlat xavfsizlik xizmati Chegara qoʻshinlari Mintaqaviy shtabi vzvod komandirining oʻrinbosari

Munturganov
Bayrambek Jenisbayevich

-

Oʻzbekiston Respublikasi Davlat xavfsizlik xizmati Chegara qoʻshinlari Mintaqaviy shtabi vzvod komandirining oʻrinbosari

Noraliyev
Jurabek Eraliyevich

-

Oʻzbekiston Respublikasi Davlat xavfsizlik xizmati harbiy xizmatchisi

Rajabaliyev
Sanjar Eshmurodovich

-

Oʻzbekiston Respublikasi Qurolli Kuchlari harbiy okrug boshqaruv apparati boʻlim boshligʻi

Raxmonov
Xusen Iskandarovich

-

Oʻzbekiston Respublikasi Mudofaa vazirligi otryad komandirining birinchi oʻrinbosari

Sidiqov
Gʻolibjon Raximberdiyevich

-

Namangan viloyati Ichki ishlar boshqarmasi otryad komandiri

Umurzakov
Jurabek Nabijonovich

-

Oʻzbekiston Respublikasi Davlat xavfsizlik xizmati harbiy xizmatchisi

Xojimatov
Madyorbek Tursunboyevich

-

Oʻzbekiston Respublikasi Davlat xavfsizlik xizmati harbiy xizmatchisi

Xoʻjayev
Dadaxon Ilhomovich

-

Oʻzbekiston Respublikasi Milliy gvardiyasi qoʻriqlash boshqarmasi safdor xodimi

Yusupov
Muxtar Bekchanovich

-

Oʻzbekiston Respublikasi Milliy gvardiyasi boshqarma boshligʻi

 

“Sodiq xizmatlari uchun” medali bilan

Abduraxmanov
Yaxyo Xusanovich

-

Oʻzbekiston Respublikasi Qurolli Kuchlari harbiy okrug boshqaruv apparati boshqarmasi boshligʻi

Abduxamidov
Madaminjon Muxammadjonovich

-

Oʻzbekiston Respublikasi Davlat xavfsizlik xizmati Chegara qoʻshinlari Mintaqaviy shtabi shtab boshligʻining oʻrinbosari

Avezberdiyev
Dilshod
Redjapbayevich

-

Oʻzbekiston Respublikasi Milliy gvardiyasi harbiy qism guruhi mutaxassisi

Adizov
Zoxid Rashidovich

-

Oʻzbekiston Respublikasi Mudofaa vazirligi harbiy qism guruhi mutaxassisi

Azimov
Ixvoljon Omonbayevich

-

Fargʻona viloyati Bojxona boshqarmasi boshligʻi

Asfandiyarov
Ramil Rustamovich

-

Oʻzbekiston Respublikasi Milliy gvardiyasi xizmat boshligʻi

Axmadaliyev
Rashit Musinovich

-

Oʻzbekiston Respublikasi Qurolli Kuchlari Akademiyasi kafedra boshligʻi

Axmedov
Zafarjon Azamovich

-

Oʻzbekiston Respublikasi Davlat xavfsizlik xizmati harbiy xizmatchisi

Balxiyev
Nuriddin Isamitdinovich

-

Oʻzbekiston Respublikasi Favqulodda vaziyatlar vazirligi Jizzax viloyati favqulodda vaziyatlar boshqarmasining Forish tumani favqulodda vaziyatlar boʻlimi boshligʻi

Bobonazarov
Bekzod Baxtiyorovich

-

Oʻzbekiston Respublikasi Mudofaa vazirligi harbiy qism batalyoni komandiri

Bozorov
Uktam Turmuxammadovich

-

Oʻzbekiston Respublikasi Milliy gvardiyasi boshqarmasi katta ofitseri

Bozorov
Erali Xabibullayevich

-

Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasi boshligʻining oʻrinbosari

Gulomov
Faxriddin Shakirovich

-

Oʻzbekiston Respublikasi Favqulodda vaziyatlar vazirligi “Xavfsiz daryo” davlat unitar korxonasi boshligʻi

Ibragimov
Iskandar Ikromovich

-

Oʻzbekiston Respublikasi Milliy gvardiyasi batalyoni komandiri

Isayev
Baxodir Usmanovich

-

Oʻzbekiston Respublikasi Davlat xavfsizlik xizmati harbiy xizmatchisi

Kadirov
Kamil Shamilyevich

-

Oʻzbekiston Respublikasi Qurolli Kuchlari Bosh shtabi boshqarmasi boshligʻi

Kadirov
Shauxat Janabayevich

-

Oʻzbekiston Respublikasi Favqulodda vaziyatlar vazirligi Qoraqalpogʻiston Respublikasi Favqulodda vaziyatlar boshqarmasi operativ boshqaruv markazi boshligʻi

Kasimov
Gayrat Tashkenbekovich

-

Oʻzbekiston Respublikasi Milliy gvardiyasi “Dinamo” jismoniy tarbiya-sport jamiyati raisining oʻrinbosari

Kodirov
Xotam Shakirovich

-

Toshkent viloyati Ichki ishlar bosh boshqarmasi boshligʻining ikkinchi mintaqaviy hudud boʻyicha vakili

Kudratov
Uktam Gofurovich

-

Oʻzbekiston Respublikasi Oliy harbiy aviatsiya bilim yurti kafedrasi boshligʻining oʻrinbosari

Mamarasulov
Ravshan Rustamovich

-

Oʻzbekiston Respublikasi Mudofaa sanoati davlat qoʻmitasi “Chirchiq aviatsiya taʼmirlash zavodi” davlat korxonasi direktorining oʻrinbosari – bosh muhandisi

Moʻydinov
Alijon Axmadjonovich

-

Oʻzbekiston Respublikasi Davlat xavfsizlik xizmati Chegara qoʻshinlari tezkor guruhi vzvodi komandirining yordamchisi

Normamatov
Murodbek Ibaydullayevich

-

Oʻzbekiston Respublikasi Milliy gvardiyasi harbiy qism guruhi mutaxassisi

Palvanov
Shakir Bazarbayevich

-

Oʻzbekiston Respublikasi Mudofaa vazirligi harbiy qism laboratoriyasi katta laboranti

Rasulov
Xusniddin Xolmurodovich

-

Oʻzbekiston Respublikasi Mudofaa vazirligi harbiy qism guruhi komandiri – qorovul boshligʻi

Raxmanov
Xondamir Parmankulovich

-

Oʻzbekiston Respublikasi Milliy gvardiyasi markaziy apparati boshqarma boshligʻi

Raxmatov
Dusyor Djalolovich

-

Oʻzbekiston Respublikasi Milliy gvardiyasi harbiy qism vzvodi komandiri

Reymov
Maksetbay Joldasbayevich

-

Oʻzbekiston Respublikasi Mudofaa vazirligi harbiy qism guruhi komandirining oʻrinbosari

Toʻrayev
Zafarjon Tursunpoʻlatovich

-

Oʻzbekiston Respublikasi Favqulodda vaziyatlar vazirligi Fuqaro muhofazasi instituti boshligʻining birinchi oʻrinbosari

Tursunov
Kodirjon Muxammadjonovich

-

Oʻzbekiston Respublikasi Mudofaa vazirligi Axborot-kommunikatsiya texnologiyalari va aloqa harbiy instituti kafedrasi boshligʻi

Tuxtasinov
Ikboljon Inomjonovich

-

Oʻzbekiston Respublikasi Ichki ishlar vazirligi Xalqaro aeroportlarda xavfsizlikni taʼminlash qoʻshinlari alohida batalyoni komandiri

Xabiyev
Ildar Rashidovich

-

Oʻzbekiston Respublikasi Davlat xavfsizlik xizmati harbiy xizmatchisi

Xamroyev
Baxshillo Gʻaybullayevich

-

Oʻzbekiston Respublikasi Mudofaa vazirligi harbiy qism xizmat boshligʻi

Hamroyev
Kamoljon Karimovich

-

Oʻzbekiston Respublikasi Favqulodda vaziyatlar vazirligi Buxoro viloyati favqulodda vaziyatlar boshqarmasi Gʻijduvon tumani favqulodda vaziyatlar boʻlimi boshligʻi

Xusenov
Xamza Ismoilovich

-

Buxoro viloyati Ichki ishlar boshqarmasi Peshku tumani boʻlimi profilaktika katta inspektori

Yuldashev
Ismoyiljon Jurayevich

-

Oʻzbekiston Respublikasi Favqulodda vaziyatlar vazirligi Yongʻin xavfsizligi instituti kafedrasi professori

“Shuhrat” medali bilan

Abduqaxxarov
Qobuljon
Abdugoppor oʻgʻli

-

Oʻzbekiston Respublikasi Davlat xavfsizlik xizmati Chegara qoʻshinlari Mintaqaviy shtabi vzvod nazoratchisi

Allaberganov
Maxsud
Jumanyazovich

-

Oʻzbekiston Respublikasi Favqulodda vaziyatlar vazirligi Xorazm viloyati favqulodda vaziyatlar boshqarmasi yongʻin-qutqaruv qismi boshligʻi

Almetov
Sherzad Boltabayevich

-

Oʻzbekiston Respublikasi Davlat bojxona qoʻmitasi Axborot-kommunikatsiya texnologiyalari boshqarmasi bosh inspektori

Astankulov
Otabek Toxirovich

-

Oʻzbekiston Respublikasi Favqulodda vaziyatlar vazirligi mobil boshqaruv punkti katta texnigi

Achilov
Mansur Suvonboyevich

-

Oʻzbekiston Respublikasi Davlat xavfsizlik xizmati Chegara qoʻshinlari Mintaqaviy shtabi vzvod komandirining oʻrinbosari

Bekmurzayev
Akmal Abdualiyevich

-

Oʻzbekiston Respublikasi Mudofaa vazirligi boʻlim boshligʻi

Bobomuradov
Zohidjon Zakirovich

-

Oʻzbekiston Respublikasi Ichki ishlar vazirligi Xorazm viloyati boʻyicha boshqarmasi otryad komandiri

Vaxidov
Abdukadir Isakovich

-

Oʻzbekiston Respublikasi Mudofaa vazirligi harbiy qism guruhi mutaxassisi

Jonqobilov
Akmal Fayzullayevich

-

Oʻzbekiston Respublikasi Harbiy sudi sudyasi

Isaqov
Elmurodjon
Izatillo oʻgʻli

-

Oʻzbekiston Respublikasi Davlat xavfsizlik xizmati Chegara qoʻshinlari Mintaqaviy shtabi vzvod nazoratchisi

Ismatov
Ikromjon Parpiyevich

-

Oʻzbekiston Respublikasi Qurolli Kuchlari Bosh shtabi boʻlimi boshligʻi

Kurbanov
Baxrom Fazlitdinovich

-

Oʻzbekiston Respublikasi Davlat xavfsizlik xizmati harbiy xizmatchisi

Matyakubova
Agata Rustamovna

-

Oʻzbekiston Respublikasi Milliy gvardiyasi harbiy qism otryadi komandiri

Masharipov
Roʻziboy Raximovich

-

Oʻzbekiston Respublikasi Ichki ishlar vazirligining Xorazm akademik litseyi direktori

Mirzayev
Shaxboz Shavkatjonovich

-

Oʻzbekiston Respublikasi Milliy gvardiyasi harbiy qism vzvodi komandiri

Muxtorov
Ilxom Muxtorovich

-

Oʻzbekiston Respublikasi Davlat bojxona qoʻmitasi Xavflarni monitoring qilish va baholash boshqarmasi boshligʻi

Rahmatov
Bahodir Esirgapovich

-

Samarqand viloyati Ichki ishlar boshqarmasi tashkiliy boshqarmasi boshligʻining oʻrinbosari

Raxmatov
Mirzoxid Xolturayevich

-

Oʻzbekiston Respublikasi Mudofaa vazirligi harbiy qism guruhi qorovul boshligʻi

Raxmonov
Nurzodbek Ergashboyevich

-

Oʻzbekiston Respublikasi Mudofaa vazirligi harbiy qism seksiyasi komandiri

Salayev
Xamza Abbazovich

-

Jizzax viloyati Ichki ishlar boshqarmasi patrul-post xizmati va jamoat tartibini saqlash boshqarmasi boshligʻi

Sanayev
Shuxrat Muzaffarovich

-

Oʻzbekiston Respublikasi Harbiy prokuraturasi oʻta ogʻir jinoyatlarni tergov qilish boʻlimi boshligʻi

Sattarov
Azizbek Toirovich

-

Oʻzbekiston Respublikasi Favqulodda vaziyatlar vazirligi maxsus muhandis-qurilish boshqarmasi batalyoni komandiri

Sulaymanov
Zafarbek Saxibjonovich

-

Andijon viloyati Ichki ishlar boshqarmasi patrul-post xizmati batalyoni boʻlinma komandiri

Tanimova
Gozzal Maulenbergenovna

-

Oʻzbekiston Respublikasi Milliy gvardiyasi harbiy qism guruhi ofitseri

Tashev
Jasurbek Xakberdiyevich

-

Qashqadaryo viloyati Ichki ishlar boshqarmasi patrul-post xizmati va jamoat tartibini saqlash boshqarmasi boshligʻining oʻrinbosari

Tojiboyev
Diyerbek Yerkinovich

-

Oʻzbekiston Respublikasi Qurolli Kuchlari Bosh shtabi markazi boshligʻi

Tuyev
Isroil Ismoilovich

-

Oʻzbekiston Respublikasi Mudofaa vazirligi harbiy qism vzvodi komandiri

Ubaydullaxujayeva
Oydinoy Xamidullayevna

-

Oʻzbekiston Respublikasi Mudofaa vazirligi harbiy qism markazi mutaxassisi

Usmanov
Aleksandr Rahimovich

-

Oʻzbekiston Respublikasi Mudofaa vazirligi harbiy qism boʻlimi mutaxassisi

Xaydarov
Abdugaffor Majidovich

-

Oʻzbekiston Respublikasi Favqulodda vaziyatlar vazirligi Namangan viloyati favqulodda vaziyatlar boshqarmasi operativ boshqaruv markazi boshligʻi

Xalimov
Erkin Xalilovich

-

Oʻzbekiston Respublikasi Mudofaa vazirligi Chirchiq oliy tank qoʻmondonlik-muhandislik bilim yurti kafedrasi dotsenti

Sharipov
Alisher Abdunabiyevich

-

Oʻzbekiston Respublikasi Mudofaa vazirligi harbiy qism boʻlimi boshligʻi

Elmurodov
Bekzod Toshtemirovich

-

Oʻzbekiston Respublikasi Favqulodda vaziyatlar vazirligi Navoiy viloyati favqulodda vaziyatlar boshqarmasi qutqaruvchi-yoʻriqchisi

Eshonkulov
Odil Allamuratovich

-

Oʻzbekiston Respublikasi Qurolli Kuchlari Kichik mutaxassislarni tayyorlash markazi katta yoʻriqchisi

Yusupov
Saidjon Nematovich

-

Oʻzbekiston Respublikasi Mudofaa vazirligi harbiy qism vzvodi komandirining oʻrinbosari

Oʻzbekiston Respublikasi

            Prezidenti                                    Sh.MIRZIYOYEV

 

 

617
O'zA

 

Barcha xizmatlar uchun yagona boʻlgan elektron raqamli imzo ishlab chiqiladi

 

Oʻzbekiston Respublikasi Prezidenti Shavkat Mirziyoyev 9-yanvar kuni davlat xizmatlari koʻrsatish samaradorligini oshirish masalalari boʻyicha yigʻilish oʻtkazdi.

Shavkat Mirziyoyev Oʻzbekiston Respublikasi Prezidenti sifatidagi faoliyatining ilk kunlaridan “Xalq davlat idoralariga emas, davlat idoralari xalqimizga xizmat qilishi kerak” degan gʻoyani ilgari surgan edi. Maqsad odamlarimizning ogʻirini yengil qilish, har qanday qulayliklar yaratishdan iborat.

Buning uchun, avvalo, rasmiy idoralarga u yoki bu yumush bilan murojaat qilgan aholining vaqti va mablagʻini tejash, ayniqsa, sarson-sargardonlikka barham berish, qolaversa, korrupsiyani bartaraf etish maqsadlarida davlat xizmatlari koʻrsatishning yaxlit, zamonaviy, ishonchli tizimini yaratishga kirishildi.

Shu munosabat bilan Prezident Shavkat Mirziyoyev tomonidan 2017-yil 12-dekabr kuni “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi farmon qabul qilindi. Unga muvofiq, Adliya vazirligi huzurida Davlat xizmatlari agentligi tashkil etildi.

Hozirda mamlakatimiz boʻylab Agentlik tasarrufidagi Davlat xizmatlari markazlari faoliyat yuritib kelmoqda. Oddiy odamlar uchun qulay, koʻrkam boʻlgan 80 dan ortiq innovatsion binolar jismoniy va yuridik shaxslarga xizmat qilib kelayotgan boʻlsa, bugungi kunda yana 94 ta shunday inshootlarni qurish ishlari olib borilmoqda.

Bundan tashqari, olis joylarga chiqish orqali (“mobil davlat xizmatlari”) qulay va shaffof tarzda sayyor xizmatlar ham koʻrsatilyapti.

Bugungi kunga kelib, Davlat xizmatlari markazlari orqali “yagona darcha” tamoyili asosida 130 turdan ziyod xizmatlar taqdim etilmoqda. 2017-yilda aholiga koʻrsatilgan xizmatlar soni 12 mingtani tashkil etgan boʻlsa, 2019-yilda bu koʻrsatkich 13 milliontadan oshgan.

Eng koʻp murojaat qilinadigan 36 turdagi xizmatlar boʻyicha hujjatlar soni 112 tadan 52 taga kamaytirildi, xizmat koʻrsatish muddati 280 kundan 126 kunga qisqartirildi.

Masalan, ilgari haydovchilik guvohnomasini yangisiga almashtirish uchun pasport, tibbiy maʼlumotnoma, imtihon varaqasi, eski guvohnoma, rasm va eng kam ish haqining 70 foizi miqdorida toʻlov talab qilingan. Endilikda esa faqat uchta narsa: eski haydovchilik guvohnomasi va uning taloni, bazaviy hisoblash miqdorining 70 foizi hajmida toʻlov kerak, xolos.

Oʻtgan yil 1-iyundan boshlab fuqarolarning yashash joyidan va tashkilotlarning manzilidan qatʼi nazar, istalgan markaz orqali davlat xizmatlari koʻrsatish yoʻlga qoʻyildi.

Bu odamlarga juda katta qulaylik yaratib, sarsongarchilikdan xalos etdi.

Masalan, Toshkentdagi universitetga Nukusdan kelib hujjat topshirish uchun kamida 2 million soʻm xarajat qilingan boʻlsa, hozirda istalgan markazga murojaat qilish kifoya.

Joriy yilda ham bu boradagi ishlar davom ettirilib, 94 ta yangi markaz barpo etilishini aksar hollarda xususiy sektor bilan sheriklikda amalga oshirish rejalashtirilgan.

Davlatimiz rahbari bu dastlabki qadamlar ekani, aholiga qulayliklarni yanada koʻpaytirish zarurligini taʼkidladi.

Avvalo, “yagona darcha” tamoyili toʻliq ishlashi uchun barcha davlat xizmatlari toʻliq elektron shaklga oʻtkazilishi va maʼlumotlar raqamlashtirilishi lozimligi koʻrsatib oʻtildi.

Hozirgi kunda davlat xizmati koʻrsatuvchi 80 ta idoradan atigi 27 tasi Davlat xizmatlari agentligi bilan oʻzaro integratsiya qilingan. 53 idorada maʼlumotlar raqamlashtirilmagan. Misol uchun, sogʻliqni saqlash, ekologiya, qurilish, arxiv bilan bogʻliq davlat xizmatlari sohasida haligacha elektron maʼlumot bazasi shakllanmagan.

Shunday maʼlumot almashinuvi yoʻqligi sababli 2019-yilda qurilish, tabiiy gaz, issiq suv va ichimlik suvi taʼminoti borasida xizmat koʻrsatish muddatlari buzilgan.

Shu bois yigʻilishda Axborot texnologiyalari va kommunikatsiyalarini rivojlantirish vazirligi hamda Adliya vazirligiga barcha idoralarning davlat xizmatlari bilan bogʻliq axborot tizimlari va maʼlumotlar bazasini yaratish boʻyicha manzilli dastur ishlab chiqish vazifasi topshirildi.

Elektron davlat xizmatlaridan foydalanuvchilar sonini yil yakunigacha kamida 5 baravarga oshirish, 2025-yilgacha toʻliq elektron xizmat koʻrsatishga oʻtish maqsad qilib qoʻyildi.

Aholining 75 foizi internetga mobil qurilmalar orqali kirayotganini inobatga olib, Yagona interaktiv davlat xizmatlari portalining mobil versiyasini ishga tushirish muhimligi qayd etildi. Uzoq hududlarda yashaydigan aholiga qulayliklar yaratish maqsadida davlat xizmatlari markazining 50 dan ortiq filialini tashkil etishni jadallashtirish zarurligi taʼkidlandi.

Xorijiy tajribani qoʻllagan holda, odamlarga bir murojaat asosida qoʻshimcha kompleks xizmatlar koʻrsatish hamda fuqaroning murojaatisiz ham unga kerakli xizmat turlarini taklif qilish mumkinligi qayd etildi.

Misol uchun, farzand tugʻilishi bilan unga tugʻilganlikni qayd etish, nafaqa belgilash, yashash joyiga roʻyxatga va tibbiyot muassasasiga hisobga qoʻyish, bolalar bogʻchasiga navbat kabi xizmatlar biryoʻla taqdim etilsa, ota-onalarga gʻoyat qulay boʻladi.

Yigʻilishda ushbu tizimni eksperiment tariqasida Toshkent shahrida, keyinchalik boshqa hududlarda bosqichma-bosqich joriy etish yuzasidan topshiriq berildi.

Prezidentimiz koʻplab xizmatlar uchun elektron raqamli imzo talab qilinishi odamlarga qiyinchilik tugʻdirayotgani, ayniqsa, bu tadbirkorlarning eng ogʻriqli nuqtasi ekanini taʼkidladi.

Elektron raqamli imzodan kompyuter orqaligina foydalanish mumkin. Tadbirkor roʻyxatdan oʻtish uchun soliq idorasi kaliti, bojxona hujjatlari uchun bojxona kaliti va hisob raqami bilan ishlash uchun bankning elektron raqamli imzosini olishi shart. Bu kalitlarni olish uchun har bir idoraga alohida-alohida borib, uni xarid qilishi, tagʻin muayyan muddatda yana mablagʻ sarflab yangilashi kerak.

Prezidentimiz tomonidan Axborot texnologiyalari va kommunikatsiyalarini rivojlantirish vazirligiga mutasaddi tashkilotlar bilan birgalikda elektron raqamli imzo talab etiladigan xizmat turlari uchun shaxsni tasdiqlashning muqobil, xavfsiz va sodda usullarini joriy qilish vazifasi qoʻyildi. Shu yil 1-iyulgacha hamma xizmatlar uchun yagona boʻlgan elektron raqamli imzo ishlab chiqish boʻyicha topshiriq berildi.

Yigʻilishda muhokama qilingan masalalar yuzasidan chora-tadbirlar belgilab olindi.

 

OʻzA

Oʻzbekiston xalqiga yangi yil tabrigi

 
Aziz vatandoshlar!
 
Mana shu quvonchli lahzalarda siz, azizlarni, koʻp millatli butun xalqimizni Yangi yil bayrami bilan chin qalbimdan muborakbod etaman!Barchangizga sihat-salomatlik, oilaviy baxt tilayman!
 
Oʻtib borayotgan yil mamlakatimiz uchun unutilmas voqealarga boy boʻldi. Turli qiyinchilik va sinovlarni ham boshimizdan kechirdik.
 
Xalqimizning fidokorona mehnati bilan “Faol investitsiyalar va ijtimoiy rivojlanish yili”da ulkan yutuqlarga erishdik. Mamlakatimiz salohiyati va raqobatbardoshligini oshirish yoʻlida yangi qadamlar qoʻyildi.
 
Iqtisodiyotimizning yetakchi soha va tarmoqlari jadal rivojlanmoqda. Yuqori texnologiyalarga asoslangan zamonaviy korxonalar, yangi transport tizimlari ishga tushirilmoqda.
 
Mirishkor dehqon va fermerlarimiz, murakkab ob-havo sharoitiga qaramasdan, moʻl hosil yetishtirdilar.
 
Kichik biznes va xususiy tadbirkorlikka keng yoʻl ochildi.
 
Yil davomida hududlarda aholi, ayniqsa, yoshlarimiz, xotin-qizlar uchun koʻplab yangi ish oʻrinlari yaratildi.
 
Davlat dasturlari asosida shahar va qishloqlarimiz, yurtimiz qiyofasi butunlay oʻzgarmoqda.
 
2019-yilda ming-minglab yurtdoshlarimiz, jumladan, kam taʼminlangan oilalar shinam uy-joylarga ega boʻldilar.
 
Ilm-fan, taʼlim va tarbiya sohasida tub burilish davri boshlandi.
 
Yangi-yangi bogʻcha va maktablar, oliy oʻquv yurtlari, yetakchi xorijiy universitetlarning filiallari, shifoxonalar, madaniyat va sport maskanlari bunyod etilmoqda.
 
Eng muhimi, odamlarimizning hayot darajasi, Vatan taqdiriga daxldorlik tuygʻusi, ertangi kunga ishonchi tobora kuchaymoqda.
 
Jamiyatimizda demokratiya tamoyillari, ochiqlik va erkinlik muhiti chuqur qaror topmoqda.
 
Kuni kecha Oliy Majlis va mahalliy Kengashlarga boʻlib oʻtgan saylovlar buni yaqqol tasdiqladi. Saylovlar Oʻzbekiston demokratik taraqqiyot yoʻlidan ortga qaytmasligini yana bir bor isbotladi.
 
Mustaqilligimiz, osoyishta hayotimiz kafolati boʻlgan Qurolli Kuchlarimizning jangovar salohiyati mustahkamlanmoqda.
 
Tinchliksevar va amaliy tashqi siyosat olib borayotgan davlatimizning xalqaro maydondagi obroʻ-eʼtibori ortib bormoqda.
 
Muxtasar aytganda, 2019-yil yangi Oʻzbekiston tarixida har tomonlama yorqin iz qoldirmoqda.
 
Hurmatli yurtdoshlar!
 
Biz milliy yuksalishning muhim bosqichiga qadam qoʻymoqdamiz.
 
2020-yilda ham iqtisodiy va ijtimoiy sohalarda keng koʻlamli islohotlarimizni faol davom ettiramiz.
 
Xususiy mulk, tadbirkorlik va biznes uchun yanada qulay muhit yaratishga, yangi ish oʻrinlari tashkil etishga alohida ahamiyat qaratamiz. Ish haqi, pensiya, stipendiya va nafaqalarni, aholi real daromadlarini koʻpaytirish eʼtiborimiz markazida boʻladi.
 
Odamlarimizning yashash sharoitini, kommunal-maishiy xizmat sifatini yaxshilash, arzon va qulay uy-joylar qurish boʻyicha boshlagan ishlarimizni yanada kengaytiramiz.
 
Farzandlarimizga munosib taʼlim va tarbiya berishga, ularning qobiliyat va isteʼdodini roʻyobga chiqarishga barcha kuch va imkoniyatlarimizni safarbar etamiz.
 
Aholi salomatligini mustahkamlash, sogʻlom turmush tarzini qaror toptirishga qaratilgan ishlarimiz yangi bosqichga koʻtariladi.
 
Nuroniy faxriylarimiz, munis opa-singillarimizga eʼtibor va gʻamxoʻrlikni yanada kuchaytiramiz.
 
Ijtimoiy himoya va koʻmakka muhtoj yurtdoshlarimizni doimiy qoʻllab-quvvatlashga birinchi darajali ahamiyat beramiz.
 
Tinchlik va barqarorlikni, jamiyatimizda oʻzaro hurmat va ahillikni mustahkamlash asosiy vazifamiz boʻlib qoladi.
 
Bu borada dunyo hamjamiyati, avvalo, yon qoʻshnilarimiz bilan samarali hamkorlikni har tomonlama kuchaytiramiz.
 
Aziz yurtdoshlarim, qadrdonlarim!
 
2020-yil har bir oila, har qaysi xonadonga qut-baraka, baxt va omad olib kelsin!
 
Barcha ezgu maqsadlarimiz roʻyobga chiqsin!
 
Jonajon Oʻzbekistonimiz gullab-yashnasin!
 
Yangi yil barchamizga muborak boʻlsin!
 
Shavkat MIRZIYOYEV,
Oʻzbekiston Respublikasi Prezidenti
 
O'zA

Oʻzbekiston Respublikasi Prezidenti Shavkat Mirziyoyev 20-dekabr kuni Tokio shahrida Yaponiya Imperatori Naruxito bilan uchrashdi.

Imperator oliy martabali mehmonni samimiy qutlar ekan, ushbu tashrif Oʻzbekiston-Yaponiya doʻstlik va strategik sheriklik munosabatlarini mustahkamlashda muhim voqea boʻlgani, ikki tomonlama munosabatlarni sifat jihatidan yangi darajaga olib chiqqanini qayd etdi.

Davlatimiz rahbari Imperator Naruxitoga chuqur hurmat-ehtiromini bildirib, “Reyva” deb nomlangan yangi davrda Yaponiya uygʻun rivojlanishda davom etishi, mamlakat nufuzi va aholi farovonligi yanada oshishini taʼkidladi.

Prezident Shavkat Mirziyoyev va uning rafiqasi Ziroat Mirziyoyeva tashrifi sharafiga Yaponiya Imperatori Naruxito va uning rafiqasi Masako xonim tomonidan qabul marosimi oʻtkazildi. Shuningdek, ular birgalikda suratga tushdilar.

 O'zA
OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash