Welcome to navstat   Click to listen highlighted text! Welcome to navstat Powered By GSpeech

1-sentyabr – Mustaqillik kuni mamlakatimiz istiqlolga erishgan, jahon xaritasida yangi, mustaqil va suveren davlat – O‘zbekiston Respublikasi paydo bo‘lgan, xalqimizning asriy orzu-intilishlari ro‘yobga chiqqan buyuk tarixiy sana bo‘lib, el-yurtimiz tomonidan eng ulug‘, eng aziz bayram sifatida har yili keng nishonlanib kelinadi.

Shu munosabat ila, Navoiy viloyati statistika boshqarmasi barcha vatandoshlarimizni Mustaqilligimizning 28 yilligi bilan samimiy muborakbod etadi.

Go‘zal va betakror mamlakatimizda, har bir oilada, har bir xonadonda tinchlik va farovonlik hukm sursin! 

O‘zbekistonimiz doimo gullab-yashnasin!

Axborot  xizmati

Joriy yilning 29-avgust kuni Davlat statistika qo‘mitasida "Fuqarolik holati dalolatnomalarini qayd etish tizimini yanada takomillashtirish chora-tadbirlari to‘grisida"gi Prezident qarori ijrosi yuzasidan idoralararo elektron almashinuvi yo‘lga qo‘yilishi va ushbu yo‘nalishda ishlash jarayoniga bag’ishlangan amaliy seminar tashkil etildi.

Mazkur amaliy seminarda hududiy statistika boshqarmalarining demografiya va mehnat statistika bo‘limi boshliqlari hamda mutaxassislari ishtirok etdi.

Amaliy seminarni Davlat statistika qo‘mitasi raisining o‘rinbosari M.Ziyadullayev ochib berib, elektron tizim yo‘lga qo‘yilganligi va uning muhimligini aytib o‘tdi. Shuningdek, Demografiya va mehnat statistikasi boshqarmasining Demografik ko‘rsatkichlarni shakllantirish bo‘limi xodimlari aholining tabiiy harakati (tug‘ilish, o‘lim, nikoh, nikohdan ajralish) elektron dasturiga kiritilgan o‘zgarishlar to‘g’risida ishtirokchilarga batafsil tushuntirishlar berdi.

Amaliy seminar ishtirokchilari tomonidan fuqarolik holati dalolatnoma yozuvlari ma'lumotlarini elektron almashish hamda elektron dasturga kiritilgan o‘zgarishlar to‘g‘risida berilgan savollariga boshqarma mutaxassislari tomonidan batafsil tushintirishlar berildi.

Axborot xizmati

Joriy yilning 23-avgust kuni Namangan viloyati Namangan shahrida Davlat statistika qo‘mitasi raisi Begalov Bahodir Abdusalomovich ishtirokida jismoniy va yuridik shaxslar uchun sayyor qabul ushrashuvi bo‘lib o‘tdi.

Tadbirda Namangan shahar hokimi Sh.Abdurazzoqov, viloyat statistika boshqarmasi rahbar va xodimlari, yuridik va jismoniy shaxslar ishtirok etdi.

Uchrashuvda xalq bilan muloqot, ochiqlik va shaffoflikni ta'minlash borasida so‘z yuritildi. Davlat statistika qo‘mitasi raisi Bahodir Begalov yuridik va jismoniy shaxslar bilan to‘g‘ridan-to‘g‘ri va ochiq muloqotni ta'minlash, mavjud muammolarni joyida aniqlash va tezkorlik bilan bartaraf etish choralarini ko‘rish masalalari yuzasidan fikr bildirdi.

Yuridik va jismoniy shaxslarning statistikaga oid murojaatlari sayyor qabul davomida o`z yechimini topdi. Qo`shimcha o`rganish talab qilinadigan murojaatlar bo`yicha mas`ul xodimlarga vazifalar berildi.

Axborot xizmati

Mustaqillik bayrami arafasida mamlakatimizning barcha hududlari, qishloqlar, mahallalar, tashkilot va muassasalarda umumxalq xayriya hashari o‘tkazilmoqda.

Milliy urf-odatlarimiz, an’analarimiz, qadriyatlarimizda ko‘pchilikni birdamlikka, ahillikka va mehr-oqibatga undashi bilan hashar alohida ahamiyatga ega. Shu boisdan xalqimizda hashar elga yarashar degan ezgu ibora bor.

Shu munosabat bilan Davlat statistika qo‘mitasida ham obodonlashtirish va ko‘kalamzorlashtirish ishlari ko‘tarinki ruhda o‘tayotir. Erta tongdan ahil jamoa a’lo kayfiyatda va hamjihatlikda hashar ishlariga faol qatnashdi.

 

Axborot xizmati

2019-yilning 8-avgust kuni Urganch shahar hokimligida barcha tuman (shahar) hokimlarining birinchi o‘rinbosarlari, statistika, kadastr, o‘zini-o‘zi boshqarish organlari vakillari, viloyat hududiy komissiya a'zolari ishtirokida seminar tashkil etildi.

Tadbir aholini ro‘yxatga olishni tashkil etish va o‘tkazish masalasiga bag‘ishlandi.

Seminarda, Davlat statistika qo‘mitasining Demografiya va mehnat statistikasi boshqarmasi boshlig‘i Q.Berdikulov so‘zga chiqib, bugungi kunda aholini ro‘yxatga olishni tashkil etish va o‘tkazish bo‘yicha amalga oshirilayotgan ishlar haqida to‘xtalib o‘tdi.

U  belgilangan chora-tadbirlarni bajarishda, avvalo, sohadagi mavjud muammolarni bartaraf etish zarurligi, shundan so‘nggina amaliy ishlarni bajarishga kirishish lozimligi haqida gapirdi.

Tadbir davomida hududiy komissiya a'zolari tomonidan aholini ro‘yxatga olishni tashkil etish yuzasidan amaliy takliflar bildirildi. Ishtirokchilar tomonidan berilgan savollarga batafsil javob berildi.

Axborot xizmati

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash