Welcome to navstat   Click to listen highlighted text! Welcome to navstat Powered By GSpeech

Davlat statistika qo`mitasi markaziy apparatida “Call centre” tashkil etilgan. Murojaat uchun telefon: (+998 71) 203-80-00

Портал

 

     Yangiliklarimizga obuna    bo'ling


2019-yil avgust oyida Prezidentimiz raisligida o‘tkazilgan xalq ta'limi tizimini rivojlantirish, pedagoglarning malakasi va jamiyatdagi nufuzini oshirish, yosh avlod ma'naviyatini yuksaltirish masalalariga bag‘ishlangan videoselektor yig‘ilishida vazirlar, davlat qo‘mitalari raislari, hokimlar va boshqa rahbarlar maktablarga borib, o‘quvchilarga saboq berishi aytilgan edi. Davlatimiz rahbarining ushbu tashabbusini amalga oshirish maqsadida mutasaddi rahbarlar ta'lim muassasalariga borib, ochiq darslar tashkil etib kelmoqda.

2020-yil 20-fevral kuni Davlat statistika qo‘mitasi Raisi Begalov Bahodir Abdusalomovichning navbatdagi uchrashuvi Mirzo Ulug‘bek tumanidagi 142-maktab o‘quvchilari bilan tashkil etildi.

Ochiq muloqot tarzida tashkil etilgan mazkur darsda Bahodir Begalov 2020-yilning “Ilm-ma’rifat va raqamli iqtisodiyotni rivojlantirish yili” deb e’lon qilingani, so‘nggi yillarda ta'lim-tarbiyadagi islohotlar o‘qitishni sifat va mazmun jihatdan yanada yaxshilash, bolalarga puxta va mukammal bilim berish, ularni milliy an'ana va qadriyatlarimizga hurmat ruhida tarbiyalashdek ezgu maqsadlarga qaratilayotgani borasida so‘z yuritdi.

O‘quvchilarga Vatanni sevish, uning tinchligini asrab-avaylash, taraqqiyotga hissa qo‘shish har bir farzandning burchiga aylanishi, asosiysi, bu niyat va maqsadlarga erishish yo‘lida yoshlar kuchli bilimga ega bo‘lishi, odob-axloq, tarbiya bilan kamolga yetishi zarurligini alohida ta'kidladi.

Shundan so‘ng, milliy statistika sohasida olib borilayotgan ochiqlik siyosati, statistika axborotlarining haqqoniyligi va shaffofligini ta'minlash to‘g‘risida o‘quvchilarga tushunchalar berildi. Mamlakat iqtisodiyotini shakllantirish, bugungi kunda ijtimoiy-iqtisodiy hayotimizdagi o‘zgarishlar, amalga oshirilayotgan islohotlar haqida to‘xtalib, o‘quvchilarga hayotiy misollar keltirildi.

Ochiq darsda o‘quvchilarning qiziqtirgan savollariga Davlat statistika qo‘mitasi Raisi atroflicha javob berdi.

Axborot xizmati

Joriy yilning 17–18-fevral kuni Qarshi shahridagi Boshoqli don urug`chiligi ilmiy tadqiqot institutida O‘zbekiston Respublikasi Prezidentining 2019-yil 9-apreldagi “Davlat boshqaruvining ochiqligi va shaffofligini ta'minlash hamda mamlakatning statistika salohiyatini oshirish yuzasidan qo‘shimcha chora-tadbirlar to‘g‘risida”gi qarori mazmun-mohiyatini keng targ‘ib etish masalalariga bag‘ishlangan o‘quv-seminari o‘tkazildi.

Seminarda Qashqadaryo va Surxondaryo statistika boshqarmalarining Turmush darajasi va uy xo‘jaliklari kuzatuvlari bo‘limi boshliqlari hamda barcha intervyuerlar ishtirok etdi.

Mazkur tadbirni tashkil etishdan ko‘zlangan asosiy maqsad – qarorda belgilangan islohotlarni amaliyotga keng joriy etish, yurtimiz aholisining turmush darajasi va farovonligini o‘rganish, shu bilan birga uy xo‘jaliklarida tanlama kuzatuvlar o‘tkazishni xalqaro standartlarga moslashtirishdan iborat.

Seminarda 2020-yil davomida sinov tariqasida uy xo‘jaliklari tanlama kuzatuvlarini elektron qurilma (planshet)lar yordamida o‘tkazish va buning qulayliklarini aholiga yetkazish bo‘yicha amalga oshirilayotgan ishlar xususida so‘z yuritildi. Soha mutaxassislari tadbiq etilayotgan yangi texnologiya va yo‘nalishlarning nazariy va amaliy jihatlari haqida alohida to‘xtalib o‘tdi.

 

Axborot xizmati

2019-yil yakuni bo‘yicha 1-KB shakli (yillik) davlat statistika hisobotini taqdim etuvchi tadbirkorlik subyektlariga qulaylik yaratish, hisobotlarni oson va tezkorlik bilan topshirish maqsadida Davlat statistika qo‘mitasi tomonidan video-qo‘llanma tayyorlandi. Quyidagi manzilda mazkur video-qo‘llanmadan foydalanishingiz mumkin:

Video➡️ https://youtu.be/JQsIpxT_QHU

Axborot xizmati  

Toshkent xalqaro investitsiya forumi – iqtisodiyot va biznes sohasidagi eksklyuziv tadbir bo‘lib, unda 1500 dan ortiq xalqaro va o‘zbek kompaniyalari rahbarlari, investorlar va xalqaro ommaviy axborot vositalarini bir joyga to‘plashga mo‘ljallangan. Forum O‘zbekiston Respublikasi Prezidenti Shavkat Mirziyoyev tashabbusi bilan davlat hokimiyati organlarining asosiy vakillari ishtirokida o‘tkazilmoqda.

Toshkent xalqaro investitsiya forumi xalqaro investitsiya bozorida Markaziy Osiyoning rolini oshirish strategiyasini muhokama qilish uchun mintaqadagi eng yirik xalqaro maydon bo‘lishi ko‘zda tutilgan.

Batafsil: www.tiif.uz

2020-yil 6-fevral kuni Davlat statistika qo‘mitasida “Ijtimoiy-iqtisodiy jarayonlarning o‘rtacha miqdorlar usulidagi statistik tahlili” mavzusida metodologik seminar tashkil etildi. Unda qo‘mita markaziy apparati xodimlari ishtirok etdi.

Seminarda Kadrlar malakasini oshirish va statistik  tadqiqotlar instituti Makroiqtisodiy statistika va milliy hisoblar kafedrasi katta o‘qituvchisi F.Umarov mavzu yuzasidan fikr bildirdi.

Tadbirni o‘tkazishdan ko‘zlangan maqsad – yurtimizdagi ijtimoiy-iqtisodiy holatni aks ettiruvchi muhim ko‘rsatkichlarni baholashda foydalaniladigan o‘rtacha miqdorlarning statistik ahamiyati bilan seminar ishtirokchilarini yaqindan tanishtirish.

Seminar davomida, o‘rtacha miqdorlarning tasniflanishi, har bir o‘rtacha miqdorning o‘ziga xos xususiyatlari, hamda amaliyotda qo‘llanilishi borasida fikr almashildi.

Shuningdek, statistika amaliyotida o‘rtacha miqdorlar usulini qo‘llash borasida yo‘l qo‘yiladigan kamchiliklar va ularni bartaraf etish yo‘llari batafsil muhokama qilindi.

Axborot xizmati

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash