Welcome to navstat   Click to listen highlighted text! Welcome to navstat Powered By GSpeech

2018 yil 22 oktyabr - 2 noyabr kunlari Vena shahrida “Milliy hisoblar statistikasi” mavzusida o`quv kursi bo`lib o`tdi.

O`quv kursda Davlat statistika qo`mitasining Makroiqtisodiy indikatorlar va milliy hisoblar boshqarmasi Joriy hisoblar bo`limi boshlig`i U.Obidov, Jamg`arma va yordamchi hisoblar bo`limi boshlig`i R.Urazbaev va Makroiqtisodiy indikatorlarni shakllantirish va tahlil etish bo`limi bosh mutaxassisi F.Ganiev ishtirok etdi.

O`quv kursda Albaniya, Armaniston, Belarus, Bosniya va Gertsogoviniya, Gruziya, Kosovo, Latviya, Litva, Makedoniya, Rossiya, Serbiya, Tojikiston, Xorvatiya, eron, O`zbekiston va Qirg`iziston statistika idoralari, Xalqaro valyuta fondi va milliy hisoblar bo`yicha ekspert xodimlari ishtirok etishdi. Ushbu o`quv kurs davomida tinglovchilarga yaIM ni ishlab chiqarish va yakuniy iste`mol usullarida joriy va doimiy baholarda xalqaro tamoyillarga asoslangan holda shakllantirish, ushbu tamoyillarni amaliyotda qo`llash tartiblari va kontseptual asoslari keng yoritilib, tushunchalar berildi.

Shuningdek, seminar davomida ayrim davlatlar tajribasi va ularning Milliy hisoblar statistikasini shakllantirish bo`yicha o`z usullari, ish jarayonida duch kelinayotgan qiyinchiliklar, yutuqlar va kelgusidagi rejalari bilan o`rtoqlashildi.

Axborot xizmati

2018 yil 30 oktabr-1noyabr kunlari “Osiyo va Tinch Okeani mintaqalarida xalqaro mehnat migrasiyasi statistikasi ma’lumotlarini yig’ish” mavzusida Tedjon shahrida (Janubiy Koreya) 4-xalqaro seminar bo’lib o’tdi. Mazkur seminar Janubiy Koreya Respublikasining statistika tashkiloti (KOSTAT), Xalqaro mehnat tashkiloti (ILO) va Osiyo-Tinch Okeani mintaqalari bo’yicha aholishunoslik instituti (APPI) tomonidan tashkil etildi.

Seminarda Davlat statistika qo’mitasining Mehnat resurslari balansi, bandlik va mehnatga haq to’lash ko`rsatkichlarini shakllantirish va tahlil etish bo`limi bosh mutahassisi Z. Khudayarova ishtirok etdi.

Seminarda Armaniston, Bangladesh, Butan, Nepal, Hindiston, Pokiston, Gruziya, Turkiya, Ozarbayjon, Xitoy, Eron, Samoa, Qozog’iston, Qirg’iziston, Tojikiston, Mongoliya, Shri-Lanka, Janubiy Koreya, O’zbekiston milliy statistika idoralari mutaxassislari, Xalqaro mehnat tashkilotining (ILO) xalqaro mehnat migrasiyasi statistikasi bo’yicha ekspertlari, Osiyo va Tinch Okeani mintaqalari bo’yicha aholishunoslik instituti (APPI), Janubiy Koreya Respublikasining statistika tashkiloti (KOSTAT) rahbarlari va mutaxassislari ishtirok etishdi.

Seminarda xalqaro migrant ishchilar bo’yicha Mehnat Statistikasining 20-Xalqaro Konferensiyasi ko’rsatmalari tahlili, xalqaro mehnat migrasiyasini baholashda tanlanma kuzatuv metodlarining ahamiyati va mehnat migrantlarini ishga yollash xarajatlarini aniqlash uslublari kabi masalalar muhokama qilindi.

Axborot xizmati

2018 yilning 29 oktyabridan 2 noyabriga qadar O`zbekiston Respublikasi Davlat statistika qo`mitasida Birlashgan Millatlar Tashkiloti Yevropa Iqtisodiy Komissiyasi (BMT YeIK) ekspertlar guruhi bilan hamkorlikda “O`zbekiston Respublikasida xalqaro statistik standartlar va ilg`or tajribalarni joriy etish holati bo`yicha Umumiy sharh” o`tkazildi.

“Umumiy sharh”da Davlat statistika sohasida O`zbekiston Respublikasida xalqaro statistik standartlar va ilg`or tajribalarni joriy etish masalalari ko`rib chiqildi.

Mazkur tadbir, O`zbekiston Respublikasi Davlat statistika qo`mitasi tizimi faoliyatining mavjud darajasini baholash, yutuqlar va kamchiliklarni aniqlash hamda kelgusidagi rejalarni belgilash orqali tizim faoliyatini yanada takomillashtirish imkonini beradi.

Axborot xizmati

2018 yil 31 oktyabr kuni soat 15:00 da Toshkent shahridagi Singapur menejmentni rivojlantirish institutida “Milliy statistika tizimi: nazariya va amaliyot” mavzusida “Davra suhbati” bo`lib o`tdi.

Tadbirda, Davlat statistika qo`mitasi Raisi o'rinbosari Maxmudjon Ziyadullayev, Kadrlarni qayta tayyorlash va statistika tadqiqotlari markazi rahbariyati, qo'mita tarmoq boshqarmalari boshliqlari, Toshkent shahridagi Singapur menejmentni rivojlantirish instituti o`qituvchilari va talabalari hamda ommaviy axborot vositalari vakillari ishtirok etdi.

Davra suhbati davomida O`zbekiston Respublikasining xalqaro reytinglarda xolis va to`g`ri baholanishini ta`minlash maqsadida, Davlat statistika qo`mitasi tomonidan xalqaro tashkilotlarning 23 savolnomasi doimiy ravishda to`ldirib kelinayotgani qayd etib o`tildi. Hozirda qo`mita Yevropa iqtisodiy komissiyasi, Xalqaro valyuta jamg`armasi, Jahon banki, Yevropa tiklanish va taraqqiyot banki, Osiyo taraqqiyot banki va boshqa bir qator nufuzli xalqaro tashkilotlar bilan yaqin aloqa o`rnatib, statistika sohasida samarali hamkorlik ishlarini olib bormoqda.

Davra suhbati qatnashchilariga Davlat statistika qo`mitasi boshqarma boshliqlari tomonidan “Davlat statistika qo`mitasi tizimi faoliyatini tubdan takomillashtirish borasida amalga oshirilgan ishlar”, O`zbekiston respublikasi ijtimoiy–iqtisodiy rivojlanishining asosiy ko`rsatkichlari (2018 yil yanvar-sentyabr yakunlari) mavzularida ma`ruzalar qilinib, batafsil tushuntirishlar berildi.

Davra suhbati so`ngida, Davlat statistika qo`mitasining mas`ul xodimlari tadbir ishtirokchilarini qiziqtirgan va boshqa turli savollarga atroflicha javob qaytardi.

Axborot xizmati

 

2018 yilning 25-26 oktyabr kunlari Jeneva shahrida (Shveytsariya) ekologik statistika va ko`rsatkichlar bo`yicha qo`shma Ishchi guruhning 15-sessiyasi  bo`lib o`tdi.

Mazkur sessiyada O`zbekiston Respublikasi Davlat statistika qo`mitasidan Qishloq xo`jaligi va ekologiya statistikasi boshqarmasi yetakchi mutaxassisi N. Dexkanova ishtirok etdi.

Sessiyada Sharqiy Yevropa, Kavkaz, Markaziy Osiyo mamlakatlarining statistika xizmatlari vakillari, Yevropa atrof-muhit agentligi, Birlashgan Millatlar Tashkilotining Atrof-muhit bo`yicha dasturi ekspertlari, Birlashgan Millatlar Tashkilotining Statistika bo`limi, Birlashgan Millatlar Tashkilotining Yevropa iqtisodiy komissiyasining vakillari ishtirok etdilar.

Sessiya ekologik statistikani va ko`rsatkichlarni integratsiyalash va modernizatsiya qilish maqsadida oldindan qabul qilingan yoki rejalashtirilgan turli xalqaro, mintaqaviy va milliy tashabbuslar bo`yicha Sharqiy Yevropa, Kavkaz, Markaziy Osiyo mamlakatlari tajribasini o`rganishga, shuningdek barqaror rivojlanish va “yashil iqtisod” sohasidagi masalalarini ko`rib chiqishga yo`naltirildi.

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash