Mamlakatimizda so‘nggi yillarda jismoniy tarbiya va sportni ommalashtirish, aholi o'rtasida sog'lom turmush tarzini keng targ'ib qilishga alohida e’tibor qaratilmoqda.

Bu borada Davlat statistika qo‘mitasida ham turli sport tadbirlari tashkil etilmoqda. Statistika tizimida faoliyat yuritayotgan xodimlar o‘rtasida o‘tkazilgan stol tennisi musobaqasi qizg‘in va ko‘tarinki ruhda o‘tdi.

 Unda Davlat statistika qo‘mitasi markaziy apparati hamda qo‘mita huzuridagi Kadrlar malakasini oshirish va statistik tadqiqotlar instituti xodimlari o‘zaro bellashishdi.

Ta’kidlash lozimki, Prezidentimizning 2020- yil 30- oktabrdagi "Sog'lom turmush tarzini keng joriy etish va ommaviy sportni yanada rivojlantirish chora-tadbirlari to'g'risida"gi farmoni ijrosini ta'minlash maqsadida statistika tizimi xodimlari o'rtasida futbol, basketbol, stol tennisi musobaqalari muntazam ravishda tashkil etilmoqda.

Soha xodimlari bunday sport tadbirlari orqali, jismoniy holatini yaxshilab, dam olish vaqtini mazmunli o‘tkazishmoqda.

Matbuot xizmati

2023- yilda yurtimizda o‘tkaziladigan aholini roʻyxatga olish tadbiriga puxta tayyorgarlik koʻrilmoqda.

Buxoro davlat universitetda Buxoro viloyati statistika boshqarmasi tomonidan aholini ro‘yxatga olish ishlariga ko‘rilayotgan tayyorgarlik jarayoniga bag‘ishlangan tadbir o‘tkazildi.

Tadbirda O`zbekiston Respublikasi Vazirlar Mahkamasining 2020- yil 11- noyabrdagi “O`zbekiston Respublikasida 2023- yilda aholini ro`yxatga olishga tayyorgarlik ko`rish va uni o`tkazish chora-tadbirlari to`g`risida”gi 710- sonli qarorining mazmun-mohiyati hamda uning ijrosi bo`yicha amalga oshirilayotgan ishlar, shuningdek, aholini roʻyxatga olishning dolzarbligi, shakllantiriladigan ma’lumotlarning ijtimoiy-iqtisodiy davlat dasturlarini ishlab chiqishdagi muhim ahamiyati toʻgʻrisida soʻz yuritildi.

Seminar davomida talabalarga aholini roʻyxatga olish savolnomasi shakllarini toʻldirish bo‘yicha batafsil tushunchalar berildi.

Matbuot xizmati

Mazkur o‘quv mashg‘ulotlari Davlat statistika qo‘mitasi va UNICEFning O‘zbekistondagi vakolatxonasi koordinatori, xorijiy ekspertlar tomonidan olib borildi.

Ekspertlar xarita va ro‘yxat tuzuvchi mutaxassislarga xaritalash va ro‘yxatga olish ishlarini qay tartibda amalga oshirish yuzasidan batafsil ma’lumotlar berdi.

Shuningdek, mashg‘ulot ishtirokchilariga “Xaritalash va ro‘yxatga olish” ishlarini amalga oshirish bo‘yicha tegishli taklif va tavsiyalar berildi.

Ta’kidlash lozimki, 2019- yil 24- iyulda Vazirlar Mahkamasining “2020–2021- yillarda O‘zbekiston Respublikasida multiindikator klaster kuzatuvlarini o‘tkazish to‘g‘risida”gi qarori qabul qilindi. Mazkur qaror asosida hukumatimiz BMTning bolalar  jamg'armasi UNICEFning texnik ko‘magida mamlakatimizda onalar va bolalar turmush tarziga oid muhim statistik ma’lumotlarni shakllantirish bo‘yicha kuzatuv o‘tkazish borasida turli chora-tadbirlarni amalga oshirmoqda.

Xususan, Davlat statistika qo‘mitasi va BMTning Bolalar jamg'armasi (UNICEF) hamkorligida multiindikator klaster kuzatuvlarini o‘tkazish bo‘yicha o‘quv kurslari tashkil etib kelinmoqda.

Hozirda davom etayotgan mazkur o‘quv-seminarlarda Davlat statistika qo‘mitasi rahbariyati, xalqaro ekspertlar, Qoraqalpog‘iston Respublikasi, Toshkent shahri va viloyatlardan tanlab olingan xarita va ro‘yxat tuzish uchun mas'ul xodimlar ishtirok etmoqda.

Mazkur o‘quv-mashg‘ulotlarda xarita va ro‘yxat tuzuvchi mutaxassislar Davlat statistika qo‘mitasi hamda UNICEFning O‘zbekistondagi vakolatxonasi koordinatorlar hamda xorijiy ekspertlar tomonidano‘qitilmoqda.

Matbuot xizmati

Joriy yilning 21- yanvar kuni BMTning Xalqaro ma’lumotlar forumi doirasida “Jurnalistikada ma'lumotlardan foydalanish samaradorligini oshirish” mavzusida vebinar tashkil qilindi.

Tadbirdan ko’zlangan maqsad – jurnalistika faoliyatida ma’lumotlardan samarali foydalanish, yangilik yaratishda zamonaviy AKTlardan unumli foydalanish, ma’lumotlarni yetkazib berishda soddalik, ochiqlik, tushunarlilik tamoyillariga tayanish hamda turli sohalardagi jurnalistlar faoliyati bo’yicha tarjiba almashishga qaratildi.

Vebinarda turli sohalarda faoliyat olib boruvchi 270 dan ortiq jurnalistlar va ma’lumotlar bilan ishlovchi tashkilotlar vakillari onlayn tarzda ishtirok etishdi.

Tadbirda Devex xalqaro media-platformasi redaktori o’rinbosari Jessika Abrahams, Janubiy Afrika statistika boshqarmasi direktori o’rinbosari Eshvel Jenneker, Arizona Universiteti Jurnalistika maktabi jurnalisti Sara Koen, Jahon resurslari instituti direktori Andres Pedersen jurnalistika sohasida ma'lumotlardan foydalanish samaradorligini oshirish borasida taqdimotlar qilishdi.

Davlat statistika qo’mitasidan mazkur tadbirda Axborot xizmati rahbari Usmon Abdurasulov va xizmat xodimlari qatnashdi.

Matbuot xizmat